Jeto një jetë të mbushur me qëllim!Shembull

“Rregulli i Artë”

Njerëzit nga të gjitha sferat e jetës i përmendin shpesh virtyteve të Rregullit të Artë, pavarësisht nëse janë politikanë, drejtues biznesi, folës motivues, apo thjesht persona të zakonshëm. Në fakt, pothuajse të gjithë e kanë dëgjuar dhe e dinë kuptimin e tij.

Shumica e njerëzve bien dakord se “t'u bësh të tjerëve atë që ata do të kishin bërë për ne” është pjesë e nevojshme e shoqërisë. Ajo është fija që mban të bashkuar kulturën, familjet dhe miqësitë tona në shumë drejtime. Rregulli i Artë paraqet meritat e të shërbyerit ndaj të tjerëve, bujarinë dhe ndihmën për ata që janë në nevojë.

Jezusi ishte autori i Rregullit të Artë, i cili është një nga përparësitë kryesore për një jetë të krishterë të suksesshme. Jezusi tha:

“Gjithçka, pra, që ju dëshironi t’ju bëjnë njerëzit, ua bëni edhe ju atyre, sepse ky është ligji dhe profetët.” Mateu 7:12

Perëndia thërret secilin prej nesh, që si të krishterë ta çojmë besimin tonë në një nivel, që shkon përtej thjesht besimit te Perëndia. Dëshira e tij është që ne ta vemë në veprim besimin tonë duke prekur jetën e të tjerëve, duke i dhënë lavdi Perëndisë në shfaqjen e dashurisë dhe hirit të Tij ndaj tyre. Kjo do të thotë të jetosh vërtet sipas Rregullit të Artë.