Virusi Korona Dhe KrishtiShembull

Krijon vepra të mira në mes të rrezikut 

Jezusi i mësoi ndjekësit e Tij: “Ashtu le të shndritë drita juaj para njerëzve, që të shohin veprat tuaja të mira dhe ta lëvdojnë Atin tuaj që është në qiej’’ (Mateu 5:16). Ajo që shpesh nuk vihet re është që të ishe kripa e tokës dhe drita e botës, do të thoshte të ishe edhe më i kripur edhe më i shndritshëm, për shkak se veprat e mira duheshin bërë edhe në mes të vuajtjes. Jezusi sapo kishte thënë: 

“Lum ju kur do t’ju shajnë dhe do t’ju përndjekin dhe, duke gënjyer, do të thonë të gjitha të zezat kundër jush, për shkakun tim. Gëzohuni dhe ngazëllohuni, sepse shpërblimi juaj është i madh në qiej” (Mateu 5:11-12)

 Pastaj, pa ndaluar, Ai thotë: “Ju jeni kripa e tokës... ju jeni drita e botës” (Mateu 5:13-16).

Nuk janë thjesht veprat e mira që i japin krishterimit shijen dhe ndriçimin. Janë veprat e mira pavarësisht rrezikut. Shumë jo të krishterë bëjnë vepra të mira. Por rrallëherë njerëzit i japin lavdi Perëndisë për shkak të tyre. Synimi përfundimtar i Perëndisë për popullin e Tij është që të përlëvdojmë madhështinë e Tij dhe të madhërojmë vlerën e Birit të Tij, Jezu Krishtit. 

“Pra, nëse hani, nëse pini, nëse bëni ndonjë gjë tjetër, të gjitha t’i bëni për lavdinë e Perëndisë” (1 e Korintasve 10:31) “Sipas të priturit tim me padurim dhe me shpresë, se... Krishti do të madhërohet në trupin tim, ose me jetën ose me vdekjen” (Filipianëve 1:20).

Perëndia i përlëvduar në gjithçka. Krishti i madhëruar në jetë dhe në vdekje. Ky është synimi madhështor i jetës njerëzore dhënë prej Perëndisë. Prandaj, një prej qëllimeve të Perëndisë në virusin Korona është që populli i Tij të vrasë keqardhjen për veten dhe frikën, dhe t’u kushtohet veprave të mira në praninë e rrezikut. 

Të krishterët priren drejt nevojës, jo drejt rehatisë. Drejt dashurisë, jo drejt sigurisë. I tillë është Shpëtimtari ynë. Për këtë vdiq Ai.