Известные библейские стихи из San Juan 6

Поделиться

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

Saa ndi̱kaꞌan ka ra xiꞌin na, káchi ra saa: ―Iindaa Tachi Ndioxi ku ya kúu mií ndee táxi ya kutaku naꞌa, ta nda iin na ñuu ivi köo kúu mií ndee ya taxi na kutaku naꞌa. Ta ndiꞌi tuꞌun ya ndi̱kaꞌan i xiꞌin ndo, ku tuꞌun Tachi Ndioxi ta kúu mií ya ndee táxi ya táku ndo.

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

Saa ndi̱kuiin ra ndi̱kaꞌan ra, káchi ra saa: ―Ya yóꞌó kua kúni Ndioxi xaa súvi ndo nuu ra: Kandixa ndo Taa, ra ti̱ꞌvi ra vaxi nuu ndo ―káchi ra xiꞌin na.

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

Nda iin naꞌa küvi kixi nuu i, tá tu süvi mií Iva i, ra ti̱ꞌvi yeꞌe vaxi i, ku ra ndáka na vaxi na nuu i, ta yeꞌe sitaku i na kivi sindiꞌi.

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

Yeꞌe ku xita vaꞌa ya táxi kutaku naꞌa.

Saa ki̱ꞌin Jesús xita vaꞌa ikán, ta ta̱xi ra ndixaꞌvi ndaꞌa Ndioxi, ta saa ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin na. Tá kuꞌva i̱kan ra xiꞌin xita vaꞌa, saa i̱kan tu ra xiꞌin uvi tiaka ikán va. Saa ta̱xi ra xi̱xi ndiꞌi na nda kua ndi̱xaa ini na. Tá ndi̱ꞌi xi̱xi ndiꞌi na, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Ndikaya ndiꞌi ndo ñaꞌa ya ndi̱ndoo yuꞌu na ya ná küita ya ―káchi ra xiꞌin nda.

Ta saa ndíxita nda tikuii xiꞌin itun, saa xa kuaꞌan nda uꞌun án iñu mil metro maꞌñu tikuii. Saa xi̱ni nda vaxi xáꞌa Jesús nuu tikuii, ta kúyati ra xaa ra nuu barco. Ñaa ndi̱ndiꞌvi ni nda. Saa ndi̱kaꞌan ra xiꞌin nda, káchi ra saa: ―¡Yeꞌe va ku i, ku ïꞌvi ndo! ―káchi ra xiꞌin nda.