Известные библейские стихи из San Juan 7

Поделиться

Na kándixa yeꞌe, tá káa nuu kána tikuii xínu rá kuaꞌan rá, saa koo rá ini na, tá kuꞌva káꞌan tuꞌun Ndioxi ―káchi Jesús xiꞌin na.

Tá ti̱ndaa kivi chee ni ya ndiꞌi viko ikán, ta saa ndi̱kundichi Jesús ta nda̱niꞌi ra tachi ra ta ndee ni ndi̱kaꞌan ra, káchi ra saa: ―Tá ndá ndóꞌo̱ íchi ini, ta vaꞌa kixi ndo nuu i ta taxi i tikuii koꞌo ndo.

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Tá xíto ndo ya íkan naꞌa, ta käꞌan ndo xaꞌa ndisaa ya xíto ndo íkan na. Saa chi xiꞌna xíniñuꞌu ndo kundaa vaꞌa ini ndo xaꞌa ya íkan na, ta saa kuchiñu ndo kaꞌan ndo ya ndaa xaꞌa ya íkan na ―káchi Jesús xiꞌin na.

Iin taa, ra káꞌan xaꞌa ichí kúu mií ra, ta íkan ra saa chinuu vaꞌa ra tuꞌun ra ya ná xaa toꞌo ñaꞌa inka naꞌa. Sundi tá íyo iin ra köo chínuu vaꞌa ra tuꞌun mií ra, ta ndíkundee ra ndúku ra ya ná chinuu vaꞌa naꞌa tuꞌun ra ti̱ꞌvi ñaꞌa, ta saa kúndaa ini yo ra ndaa ku ra, ta köo ya síki íyo ini ra.

Saa ndi̱kuiin Jesús káꞌan ra: ―Ya sínaꞌa i ta süvi ya xíni mií i kua, ya xíni ra ti̱ꞌvi yeꞌe vaxi i kua sínaꞌa i.

Chi ndóꞌo̱ ta küvi kundasi nuu na ñuu ivi yóꞌó kuni na ndóꞌo̱, ta yeꞌe kúndasi nuu va na xíni na yeꞌe, chi káꞌan teꞌe i xiꞌin na xaꞌa ya väꞌa íkan na.