Известные библейские стихи из San Juan 8

Поделиться

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

Ta saa kundaa vaꞌa ini ndo xaꞌa ya ndaa, ta ya ndaa yóꞌó kua taxi ichí ndaꞌa ndo saña ndíka ndo ―káchi ra xiꞌin na.

Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

Yakan kua tá tu ná saña ndíka Seꞌe Ndioxi ndóꞌo̱, ta saa kua ndixa saña ndo kuꞌun ndíka ndo ikan ra.

Ta ndíkundee nda ndákan tuꞌun ñaꞌa nda, saa ndi̱kundichi ra ta ndi̱kaꞌan ra xiꞌin nda, káchi ra saa: ―Unku ndóꞌo̱ köo nda iin kuachi kúu mií, ta vaꞌa xiꞌna ndóꞌo̱ kiꞌin yu̱ú kakin ndo sata yá ―káchi ra xiꞌin nda.

Saa ndi̱kaꞌan Jesús xiꞌin na, káchi ra saa: ―Ya ndaa kua káꞌan i xiꞌin ndo, tá kúu ndiꞌi na kuakiꞌvi kuachi, ta tá íin na núꞌni ndaa saa íin na ndaꞌa ya.

Ta saa nda̱niꞌi nuu ra xíto ra, ta nda iin ka nda köo ndi̱xini ra, ñaa ndi̱kaꞌan ra xiꞌin yá, káchi ra saa: ―Nana, ¿maꞌa nda táxi kuachi xaꞌa un? ¿Án nda iin ka nda köo káꞌan kuvi un? ―káchi ra xiꞌin yá. Saa ndi̱kuiin yá káꞌan yá: ―Köo ka nda iin nda, Tata ―káchi yá. Saa ndi̱kaꞌan Jesús xiꞌin yá káchi ra saa: ―Ni yeꞌe, ta köo táxi i kuachi xaꞌa un kuvi un. Vaꞌa, kuanuꞌu ta ïkan ka un ya väꞌa ―káchi ra xiꞌin yá.