FCA 365 Өдрийн Чимээгүй ЦагSample

ЗОРИУЛАЛТ

Жере Жонсон

Үйлсээ ЭЗЭНд даатга, Бодол санаа чинь биелнэ.
— Сургаалт үгс 16:3

“Зориулалт”гэхүгөнөөүедспортынсалбарттомоохонхэламтарьжбайна.
Дасгалжуулагчдын зүгээс тамирчдаасаа зориулалт, тууштай байдлыг, сургуулиуд нь
хариноюутнуудаасаадөрвөнжилийнхугацаандөөрсдийгөөбүрэнзориулаасайгэж
хүсэж байна. Гэхдээ энэ үгийн утгыг ихэвчлэн бүдгэрүүлж, эсвэл цөөн хэдхэн тохиолдолд
хэрэглэх болжээ. Жишээлбэл, зарим тамирчид спортын амжилтдаа анхаардаг шигээ хичээл
сурлагадаа анхаардаггүй.
Зориулалт гаргах тухайд Есүс Христ биднийг бас тууштай байгаасай гэж хүсдэг. Өдөр
бүр Өөрт нь хандан зориулалт гаргахыг хүсдэг. Харамсалтай нь, бидний олонх нь хамгийн
сүүлд хэзээ “Эзэн, би үүнийг танд даатгаж байна” гэж хэлснээ санахгүй байна. Гэсэн хэдий
ч Сургаалт үгс ном бидэнд, ажил үйлсээ Их Эзэнд даатгавал, бидний төлөвлөгөө биелнэ
гэж сануулдаг. Энэ нь бид ялна гэсэн баталгаа биш, харин бидний Бурханд зориулсан бүхэн
биелнэ гэсэн үг.
Бүх зүйлийг Их Эзэнд даатгах нь агшин хором бүр амтлах адал явдал юм. Энэ бол зүгээр л
“нэг л удаа хийх” үйлдэл биш. Бид хийдэг бүхнээ, байгаа бүх зүйлээ Христэд бүрэн зориулах
ёстой. Яагаад? Учир нь Тэр бидний төлөө байсан бүхнээ өгсөн! Тэр бидэнд амласан учраас
загалмайд цовдлогдон, гурван өдрийн дараа булшнаас босож, бидэнд шинэ амьдрал
бэлэглэв!
Тэрээр бидэнд Өөрийгөө, Үгээ, Өөрийн биеийг (чуулганыг) өгсөн бөгөөд ингэснээр бид,
бидэнд өгсөн Түүний зориулалтыг таньж, Түүнд амьдралаа өргөх боломжтой. Бид аливаа
зүйлийг хянах гэж оролдох үед юу болдгийг мэддэг, харин Христ дотор бидний төлөө
Бурхан хичнээн их зүйл хийснийг харах үед, бид Түүнд өөрсдийгөө зориулахаас өөр аргагүй
юм. Бид Бурханы төлөвлөгөөний нэг хэсэг байхыг хүсэх үед Есүсийн баяр баясгалан бусдад
дамжин нөлөөлдөг.

1.Есүст өөрийгөө 100% зориулахад танд юу саад болж байна вэ?
2.Христтэй хамт үргэлжлүүлэн алхахад юу таныг урамшуулдаг вэ?
3.Өнөөдөр та Христэд итгэгчдийн хувиар бусдад хэрхэн тусалж, үлгэрлэх вэ?
4.Нэмэлтээр унших: Дуулал 37: 4–6; 1 Петр 4:19; Илчлэл 3: 15–16

Эзэн минь, би амьдралынхаа илүү их хэсгийг Танд зориулмаар байна. Таны Ариун
Сүнсний хүчээр Таны төлөвлөгөөнд дуулгавартай байхын тулд өөрчлөх ёстой
зүйлүүдийг минь надад харуулаач. Амен.