FCA 365 Өдрийн Чимээгүй ЦагSample

ДҮРЭМ ЖУРАМ ДАГАХ

Майкл Хилл

Тиймээс та нар үүнийг сахиж, үйлдэгтүн! Тэгэх нь та нарын мэргэн ухаан, хэрсүү
чанарыг тэр ард түмнүүдийн нүдэнд харуулах бөгөөд тэд энэ бүх зарлигийг сонсоод
“Үнэхээр агуу энэ үндэстэн бол мэргэн ухаантай, хэрсүү ард түмэн юм” гэж ярилцах
болно. Дуудах бүрд минь бидний Бурхан ЭЗЭН шиг тийм ойрхон байдаг бурхантай
агуу үндэстэн хаана байна вэ?
- Дэд хууль 4:6-7

Шинэ улиралын тоглолт бүр багийн уулзалтаар эхэлдэг. Дасгалжуулагч багийн дүрэм
журам танилцуулж, тамирчид улирлын тоглолтдоо орцгоодог. Дасгалжуулагч
тамирчдаас юу хүлээж байгаагаа тодорхой тайлбарлаж, тэднийг энэ талаар ямар ч асуултгүй
үлдээх ёстой.
Бурхан бол тэргүүн дасгалжуулагч юм. Дэлхий дээрх сайн дасгалжуулагч дүрмийг дагадаг
шиг Тэр бас тэгдэг. Бурхан Мосегоор дамжуулан израилчуудад Өөрийн “багийн дүрмийг”
өгсөн бөгөөд тэднийг дагаж мөрдөнө гэж найдаж байв.
Дасгалжуулагчид тамирчид биднийг багийн дүрмийг баримтална гэж найдахдаа шагнал
урамшуулал ч амладаг. Шагнал нь талархал, тэмдэг байж болно, эсвэл дасгалыг багасгаж
ч болно. Юу ч байлаа гэсэн багийн дүрмийг баримталсныхаа үр шимд шагнал хүртэнэ
гэдгийг дасгалжуулагч бидэнд хэлдэг.
Хамгийн дээд Ахлах дасгалжуулагч Бурхан дүрмийг нь дагаж мөрдсөн хүмүүст өөр
өөр шагнал өгдөг. Түүний шагнал зөвхөн энэ дэлхийнх төдийгүй мөнхийнх юм. Бидний
Мөнхийн шагнал бол Христийн төлөө өөрчилсөн хүмүүс маань байх болно. Элч Паул
Тесалоникийн Христэд итгэгчдийн талаар, тэд Есүсийг ирэхэд Паулын баяр баясгалан,
өргөмжлөлийн титэм болно гэж хэлжээ (1Tс 2:19). Бид Бурханы хаанчлалд нөлөөлсөн
гэдгээ мэдэх нь спорт хүрэмээр шагнуулахаас ч дээр юм.

1.Та багийнхаа дүрмийг мэдэх үү?
2.Тэр дүрмийг дагаж мөрдөж байгаа юу?
3.Та ямар дүрмүүд дээр ажиллах хэрэгтэй вэ?
4.Нэмэлтээр унших: Матай 5: 33–38; 16:27; Лук 6:35; Колоссай 3: 23-24

Эзэн, надад Өөрийнхөө замыг зааж өгөөч. Харанхуй ертөнцөд гэрэл болохын тулд
өөрийн багийн дүрмийн талаар надад ойлголт өгөөч. Амен.