FCA 365 Өдрийн Чимээгүй ЦагSample

БАЯР ХӨӨР

Оол Шиербам

Тэр өдөр тэд үлэмж тахилуудыг өргөж ихэд баярлацгаав.
Учир нь Бурхан тэдэнд их баяр хөөрийг өгсөн.
- Нехемиа 12:43а

Израилчууд 150 жилийн туршид өөр үндэстнүүдэд боолчлогдон амьдарсан учир тэдэнд
уртхугацаандбаяртэмдэглэхшалтгаанбайгаагүйюм.Нехемиагийнахөөрийн
ах дүүс болох израилчуудыг басамжлагдаж байна гэж хэлсэн байдаг (Нехемиа 1). Гэвч
Бурхан тэдний дунд шинэ зүйлийг үйлдсэн бөгөөд израилчууд баяр хөөртэй, талархалтай
амьдарсан юм. Ард олон Эзэний ялалтыг тэмдэглэж, шинэ хотын хана хэрмийг сэргээн
босгосон талаар Нехемиа 12-р бүлэгт өгүүлжээ.Иерусалимын хэрмийг өргөх ёслолыг
баяр хөөртэйгөөр тэмдэглэхийн тулд лир хөгжим, босоо ятга, цан хөгжмөөр хөгжимдөж,
талархлын магтуу дуулах чадварлаг хүмүүсийг Иерусалимд авчрав. Учир нь Бурхан тэдэнд
их баяр хөөрийг өгсөн ажээ (Нехемиа 12:27, 43).
Баяр наадам болж буй газар баяр хөөрөөр дүүрдэг. Христэд итгэгч олон хүн баяр
хөөрийг орхигдуулдаг тул Нехемиа номон дээрх түүхээр Христ доторх авралын баяр
хөөрийг алдахгүй байхыг уриалж байна. Иерусалим даяарх баяр хөөрийн уухай холоос ч
сонсогдохуйц байв.
Нехемиа 12:27-47-д дурьдсанчлан баяр хөөрийг олох дөрвөн түлхүүр бий. Нэгт, израилчууд
баярын өмнө өөрсдийгөө ариусгасан. Нүгэл биднийг баяр талархлаас холдуулж байдаг. Гэм
нүглээсээ гэмшин улайснаар баяр хөөр ирнэ. Хоёрт, хүмүүс Бурхантай холбоотой гэдгээсээ
ичилгүйгээр ханан хэрэм дээр баяраа тэмдэглэсэн. Айдас хүйдэс болон хавчлага таныг баяр
хөөрөөс холдуулж байна уу? Матай 5:10-21-г уншаад тэрхүү баяр хөөр нь Христийн төлөө
гэсэн зоримог байдлыг дагаж ирдэг болохыг олж хараарай. Гуравт, израилчууд Бурханы
ялалтыг баяр хөөртэйгээр тэмдэглэж, ивээлээ тоолсон. Та Христ дотор аврал болон бусад
бүхий л ивээл ерөөлд баярлан талархах цаг гаргаж байсан уу? Эцэст нь ард түмэн баяр
хөөртэйгөөр өгсөн. “Өгөөмөр хүн өөдлөн дэвжинэ, Өрөөлийг ундлагч өөрөө ч ундлуулна”
гэж Сургаалт үгс 11:25-т бичигдсэн байдаг. Өгөх нь зүрх сэтгэлийг сэргээдэг.
Израилчууд сүнсээр унах зүдүүрийг мэддэг ч баяр хөөртэй зүрх сэтгэлээр шинэ өдрийг
эхлүүлэн амьдардаг байсан. Өнөөдөр таны хувьд шинэ өдөр үү? Есүстэй хамт алхаж, Түүний
авралын баяр баясгаланд талархан алхвал шинэ өдөр байх болно.

Нэмэлтээр унших: Дуулал 70:4; 92:1–5; 94:18–19; 95:1–8; Сургаалт үгс 15:13

Эзэн минь, Өөрийн авралын баяр баясгаланд Та намайг шинэчилж өгөөч. Амен