FCA 365 Өдрийн Чимээгүй ЦагSample

ТАНЫ ХӨРӨНГӨ ОРУУЛАЛТ ХЭР БАЙНА?

Кейт Мадисон

Эд баялаг чинь хаана байна, зүрх сэтгэл чинь бас тэнд байх болно.
- Матай 6:21

Би хувийн асуудалд чинь нэвтэрч, хошуу дүрэх гээгүй шүү. Таны хөрөнгө оруулалт хэр
байгаа вэ? Тэдгээрийг хаана байршуулсан бэ? Ихэнхдээ бид түр зуурын, эсвэл эрсдэлтэй
зүйлд хөрөнгө оруулдаг. Тиймээс Бурхан биднийг ухаантай байж, үүрдийн утга учиртай
зүйлсэд урт хугацааны хөрөнгө оруулалт хийхийг хүсдэг.“Бурхан биднийг цаг хугацаатай
бүтээгээгүй; Тэр биднийг үүрд байхаар бүтээсэн. ”Тиймээс харилцаандаа хөрөнгө
оруулцгаая. Бидний амьдралын төгсгөлд ялалт, ялагдал, банкны данс, хувьцаа, тэтгэврийн
данс болон нийгмийн халамжийн орлого нь тийм ч их ач холбогдолтой биш байх болно.
Харин харилцаа маань бидний амьдралын эрдэнэ юм. Бидний гэр бүл, найз нөхөд болон
хамгийн чухал нь Есүс Христтэй харилцах харилцаа бидний эд баялгийн жинхэнэ хэмжүүр
байх болно.
Гайхалтай хөрөнгө оруулалт хийхэд оройтоогүй байна. Хэрвээ чи завгүй байгаад гэр
бүлээ хойш нь тавьсан бол одоо мөнхийн баялгийг өгөх хөрөнгө оруулалт хийгээрэй.
Хамгийн чухал нь Бурханд гаргах завгүй амьдарч болохгүй.
Дасгалжуулагчдын хувьд тэмцээний улирал дуусахаас өмнө томоохон өөрчлөлт хийх
боломжтой байдаг. Сандал дээр сууж буй сэлгээний тоглогчдод ч хөрөнгө оруул. Түүнд
гарааны тоглогч, багийнхаа номер нэг шидэгчтэй адил чухал хүн гэдгийг хэлээрэй. Өнөөдөр
түүнтэй ярилц. Түүнийг анхаарч, түүний төлөө энд байгаа гэдгээ хэлээрэй. Бэлтгэлийн
өмнө эсвэл дараа түүнд цаг гарга.
Есүс дэлхий дээр алт эрдэнэс бүү хуримтлуул, харин мөнхийн улсад баялгаа хураа гэж
хэлсэн (Матай 6:19-21). Тэрээр эдгээр зарчмуудыг хураангуйлан “Харин эхлээд Бурханы
хаанчлал ба зөвт байдлыг нь хайгтун. Тэгвэл энэ бүхнийг та нарт нэмж өгөх болно” гэж
хэлсэн. (Матай 6:33).

1.Есүс таны хөрөнгө оруулалтыг хэрхэн үнэлэх бол?
2.Танд өөрчлөх хэрэгтэй зүйл байна уу?
3.Энэ дэлхийн баялаг, мөнхийн баялаг гэж юу юуг хэлэх вэ?
4.Нэмэлтээр унших: Матай 6:19-34

Тэнгэрлэг Эцэг минь, мөнхөд ногдол ашиг өгөх зүйлд хөрөнгө оруулах мэргэн ухаан
хайрлаач. Бусдийн алдар нэр, гадаад төрх, нөлөө, эд баялгаас болж бус, харин Та тэдэнд
хайртай учраас тэднийг хайрлахад туслаач. Эхлээд Таны хаанчлал, эрхэм зүйлсийг
нандигнахад туслаач. Амен