FCA 365 Өдрийн Чимээгүй ЦагSample

БИ ЧИНИЙ ТӨЛӨӨ ЗАЛБИРСАН

Брайд Холовей

Гэсэн ч итгэл чинь цөхрөхгүйн тулд Би чиний төлөө залбирсан.
- Лук 22:32а

Дасгалжуулагч хийж байх үеийн минь мартагдахааргүй дурсамжтай мөчүүд надад олон
бий. Удахгүй болох тоглолтын талаар огт ярилгүй бэлтгэл уулзалтанд сууж байснаа
санаж байна. Ихэнхдээ бид гүйцэтгэх даалгавраа, мөн тоглолтын эхний хэсгийн талаар
эргэн хардаг байсан бол тэр уулзалтыг арай өөр маягаар хийж билээ. Би тоглогчдодоо
тэдний төлөө залбирсан гэдгээ, тэднийг талбай дээр аюулгүй байж, хичээлдээ сайн байхын
төлөө залбирсанаа хэлсэн юм. Хамгийн чухал нь тэд аврал авсан эсэхээ мэдэхгүй байвал
Бурхан тэднийг над руу эсвэл Христэд итгэгч өөр хүмүүс рүү явуулснаар Бурхантай
хувьчлан харилцах талаар мэдэж аваасай хэмээн залбирч билээ.
Тэр өдөр би багийнхандаа тоглолтын төлөвлөгөө ярихгүй гэдгээ мэдэгдсэн. “Аав, өвөө,
авга ах гэх мэт хүндлэлийг чинь хүлээсэн хүн та нарын өмнө зогсоод, та нарын төлөө
залбирсан гэдгээ хэлж байгаагүй байж магадгүй. Өнөө өглөө би эртлэн босоод та нарын
төлөө нэг бүрчлэн залбирсан” гэж хэлж билээ.
Тэр уулзалтыг удирдаж байхдаа өмнө нь надад тохиолдож байсанчлан Христийн тухай
хуваалцах, дасгалжуулагч хүнийхээ хувьд тамирчдадаа нөлөөлөх гайхалтай боломжийг
ашигласан. Хэдийгээр тэр өдөр бид ялагдсан ч маш сайн тоглосон. Самбар дээрх тоглолтын
оноонууд бидний бодсоноор байгаагүй ч тэр өдөр бид Христийн төлөө ялалт байгуулсан
юм.
Есүс Петрт өөрийнх нь төлөө залбирсан гэдгээ хэлдэг. Тэр бидний төлөө ч мөн залбирч
байгаа билээ. Загалмай дээрх ажлаа дуусгасны дараа Петрийн өмнө ямар бэрхшээл
тулгарч байгааг Есүс мэдэж байв. Христ Эцгийнхээ баруун талын суудалд залран бидний
төлөө зуучлан залбирч байгаа тухай Библид хэлсэн байдаг. Дасгалжуулагчийн хувьд бид
багийнхаа төлөө ийм л зүйл хийхээр дуудагдсан билээ.

1.Таны залбирлын амьдрал ямаршуу байна?
2.Бурханы үгээс та юу сурч байгаа вэ? Өдөр бүр Бурхантай цагийг өнгөрүүлэх нь танд
хэрхэн нөлөөлдөг вэ?
3.Бусдыг сүнсээр өсөхөд нь та юу хийж чадах вэ?
4.Нэмэлтээр унших: Сургаалт үгс 15:8, Иохан 17:9, Ефес 3:14-19, Филлиппой 1:9-11

Эзэн минь, надад бусдыг энэрэх сэтгэл өгч, хажууд минь буй хүн бүрийн төлөө залбирахад
туслаач. Есүсийн нэрээр залбирлаа. Амен.