FCA 365 Өдрийн Чимээгүй ЦагSample

НӨЛӨӨ

Пайт Стрийт

Өөрсдийн Бурхан нь ЭЗЭН байдаг үндэстэн,
Өв юугаа болгохоор Түүний сонгосон ард түмэн
Ерөөлтэй еэ! - Дуулал 33:12

Юта Жазз ба Чикаго Буллз багуудын 1998 оны ҮСБХ (NBA)-ны финалын зургаа дахь
тоглолтын 3-р үед Скотти Пиппен нурууныхаа доод хэсэгтээ бэртэл авав. Буллзын
эмч нар Пиппенд эмнэлгийн тусламж үзүүлсэн бөгөөд тэр 2-р хагаст тоглоход бэлэн
болжээ. Майкл Жордан Пиппений тухай “Скотти бэртсэн гэдгийг бид мэдэж байна. Гэхдээ
тэр тоглолтонд орж байгаа нь л бидний сэтгэлзүйг өргөж, довтолгоо хамгаалалт гээд бүх
зүйл дээр хүчтэй дэмжлэг болдог” гэж хэлжээ. Ганцхан тоглогчийн багтаа нөлөөлж чадах
ямар гайхалтай гэрчлэл вэ. Мэдээж Буллзынхан энэ тоглолтонд ялж, 1998 онд НБА-д
аварга болсон.
Христэд итгэгч бид хүмүүст гайхалтай нөлөө үзүүлдгээ мэддэггүй. Бидний хандлага,
ярьж хэлж буй зүйлс, Христтэй адил сэтгэл бидний уулзсан хүн бүрт нөлөөлдөг. Христ
бидний амьдралын Эзэн байгаа тохиолдолд бид тэдэнд хамгийн сайнаараа хандах өртэй.
Жинхэнэ баяр хөөр л хүний сэтгэлийг татаж чаддаг. Баяр хөөртэй зүрх сэтгэл, гэрэлтсэн
царайтай бид бүрхэг өдрийг гэрэлтүүлэх нартай адил. Бидний зүрх сэтгэлд Ариун Сүнснээс
ирсэн баяр баясгалан бол гүн гүнзгий зүйл бөгөөд арилан оддоггүй, Энэ нь сүнсний өнгөлөг
байдлыг бий болгодог бөгөөд Христийн тухай бусдад үг хэлэлгүй гэрчилдэг.

1.Эзэн өнөөдөр хэн нэгний амьдралд хүрхээр таныг ашигласан уу?
2.Дэмжлэг хэрэгтэй нэгнийг харуулж өгөөч хэмээн та Бурханаас гуйдаг уу?
3.Нэмэлтээр унших: Матай 9:1-8, Үйлс 2:41-47

Эзэн минь, миний эргэн тойронд дутагдаж гачигдаж байгаа хүмүүс байгаа. Таны төлөө
тэдэнд нөлөөлөх зоригийг өгөөч. Есүсийн нэрээр, Амен.