Spreuke – eenjaarleesplanSample

Die eerste deel van vers 21 kan heeltemal verkeerd verstaan word. Dit is nie asof niks slegs met ’n regverdige kan gebeur, soos baie vertalings dit weergee nie. Rashi, ’n Joodse geleerde, vertaal dit so: “Die regverdige sal nie in goddeloosheid gevang word nie.” Die NLV vertaal: "Die regverdige spring probleme vry.” Die AFR83 vertaal: “Geen leed sal die regverdige tref nie.”

Die regverdige sal dus nie heeltemal ten gronde gaan weens onheil of onreg nie (Romeine 8:28,37). Die teendeel is waar van die goddelose. Hulle val vas in ongeluk.

Vers 22 bevestig dat God betroubaarheid liefhet. Hy haat bedrog. Vers 23 wys die wysheid uit van nie te vinnig met jou kennis te spog nie. Dit is wat dwase doen. Hulle loop te koop met hulle stommiteite.