Spreuke – eenjaarleesplanSample

Vers 26 se eerste deel kan op verskillende maniere vertaal word. Ek hou van die ABA se vertaling: "'n Mens wat reg lewe, loop op die pad wat 'n vriend vir hom wys, mense wat verkeerd doen, verdwaal op die pad wat hulle self kies.” Die AFR20-vertaling is die naaste aan die oorspronklike: "'n Regverdige soek sy vriende uit, maar die pad van goddeloses lei hulle op 'n dwaalspoor.” Die eerste vertaling fokus op begeleiding van jou naaste. Die tweede op die keuse van jou vriende. Jy moet dus rekening hou daarmee dat jy ’n groot invloed het op ander, en hulle op jou.