Spreuke – eenjaarleesplanSample

Spreuke kontrasteer woorde wat seermaak met woorde wat genees.

Woorde wat seermaak, is woorde wat onverskillig en onbedagsaam (bôṭe in Hebreeus) uitgeblaker word, sonder om eers goed daaroor na te dink. Dit is soos die steke van ’n swaard. En ’n mens is skuldig aan die effek daarvan, of dit nou bedoel is of nie (Levitikus 5:4). Sulke woorde het Moses die beloofde land gekos, omdat hy uit bitterheid teenoor die volk oortree het (Psalm 106:33).

Woorde wat genees, is woorde waaroor goed nagedink is: "Daar is mense wat dinge sal sê wat seermaak. ’n Wyse mens se woorde bring eerder genesing” (NLV). Sulke woorde kan ook met ’n swaard vergelyk word, soos dit op talle plekke in die Woord van God, die Bybel, gesê word, maar die doel daarvan is anders. Dit beoordeel die bedoelinge en gedagtes van die hart om dit in lyn met God se wil te bring (Hebreërs 4:12).