Spreuke – eenjaarleesplanSample

Vers 9 kan letterlik vertaal word as: "Elke sot spot met sondeskuld; opregtes geniet genade.” Dit beteken aan die een kant, dwase is glad nie bekommerd oor watter verkeerde dinge hulle doen nie: "Dwase spot oor skuldoffers” (NLV). Aan die ander kant beteken dit dat opregtes graag die regte ding wil doen, en God se genade geniet: “Dié wat opreg lewe, ervaar versoening” (NLV).

Vers 10 sê dat niemand anders regtig jou diepste gevoelens kan verstaan of deel nie. Gevoelens – bitterheid en vreugde – is baie persoonlik. Die laaste deel van die vers kan ook só verstaan word dat jy net iemand se vreugde sal verstaan as jy nie ’n vreemdeling vir hom of haar is nie, anders sal jy “’n buitestaander wees by hulle blydskap."