Die Grootste GeskenkSample

Week 2: ‘n Lewe van Dankbaarheid

Dank die Here

Lees: Psalm 107

SOAP: Psalm 107:21–22

Hulle moet die Here loof vir sy troue liefde,

vir sy wonderdade wat Hy aan mense doen.

Hulle moet dankoffers bring

en met blydskap van sy dade getuig.

Oordenking

Gaan jy hierdie seisoen met ‘n swaar hart binne, en voel asof jy dwalend, uitgeput, in die nood, verontrus, op soek na ‘n lig in die duisternis is? Die wêreld rondom jou bruis dalk van vreugde en opwinding, maar jy is op soek na ‘n toevlugsoord waar jy kan rus en herstel van die gewig van alles wat jy hierdie jaar moes dra. 

God verstaan, en Hy nooi jou in sy volmaakte rus in. Jou moegheid en frustrasie is niks nuuts vir Hom nie, en jou baie eerlike gevoelens en hartseer sal Hom glad nie verbaas nie. Lees ons Skrifgedeelte vandag en voeg jou naam oral in waar dit sê “dié” en “hulle”.  Net soos God dié wat in die woestyn rondgedwaal het, verlos en vir hulle voorsien het, is Hy bereid om jou te verlos. 

Wat ‘n geskenk! God se hart is dat jy bevry moet wees van laste en van die duisternis en met danksegging alles verkondig wat Hy in jou lewe gedoen het, sodat ander ook na Hom toe sal gaan. Jou verhaal van dankbaarheid kan dalk net die lig wees wat iemand in jou lewe hierdie vakansieseisoen die nodigste het om hulle na die vryheid en herstel wat God so gewillig aanbied, aan te trek. 

Gebed

Vader God, ek wil vandag, selfs midde-in my gemors, terwyl dit vir my voel asof ek nog dwalend is, u goedheid, u groot geskenke, en u wonderlike liefde verkondig. Dankie dat U my ken, my liefhet en my in u volmaakte rus innooi. Amen.