Paglakad kasama ni Jesus [Pagkabahala]Sample

Ngunit sisigaw ako sa galak!

Si Propeta Habakuk ay nabuhay sa panahon ng walang katiyakan. Hindi ito isang kaaya-ayang oras. Sa mga panahong  iyon, ang kaharian ng Babilonya ay mabilis na lumalaki at naging isang makapangyarihang bansa. Ang mamamayan ng Juda ay lubos na natatakot para sa kanilang  buhay. Maraming silang katanungan tungkol sa hinaharap. Gayunman, sa pagtatapos ng kanyang mga sinulat, isinulat ng propeta ang kaaliwan ng pangako ng kumpiyansa na iingatan at pangalagaan ng Diyos ang Kanyang mga mamamayan. Isinulat niya:

Kahit hindi mamunga ang mga puno ng igos, ubas, o ang kahoy ng olibo, at kahit walang anihin sa mga bukirin, at kahit mamatay ang mga alagang hayop sa kanilang mga kulungan, 18 magagalak pa rin ako dahil ang Panginoong Dios ang nagliligtas sa akin.

Ngayon, maaaring tayo ay namumuhay sa isang hindi tiyak na sitwasyon. Ang mga mga alalahanin ang umaapaw sa ating mga puso at isipan. Kung nabubuhay ngayon si propeta Habakuk, isusulat niya ito;

Kahit na ang mga presyo ay patuloy na tumataas,

walang pagtaas ng suweldo ngayong taon,

ang stock market ay patuloy na bumababa

walang pera o bonus,

ang mga negosasyon ay patuloy na nabibigo

at maraming bagay ang napababayaan,

gayon ma'y magagalak ako sa Panginoon

Magagalak ako sa Diyos na aking Tagapagligtas.

Maaari nating piliin na manatiling masaya sapagkat ang ating kagalakan ay matatagpuan sa Panginoon. Ang ating kagalakan ay hindi nakasalalay sa ating sitwasyon.

Pagninilay:

1. Gaano ka nababahala sa isang sitwayon na hindi tiyak  para sa iyo?

2. Gaano kalaki ang epekto ng kagalakan sa katatagan ng ating pananampalataya?

Isagawa ito: Magalak sa bawat sitwasyon. Ang kagalakan ng Panginoon ang ating kalakasan.