Soma Biblia Kila Siku 02/20Sample

Mmepata bure, toeni bure (m.8). Mitume walikuwa wamepata bure. Yaani hawakumlipa Yesu chochote ili awakubali wawe wafuasi wake na mitume wake. Yesu amewapokea kwa neema na amewaita kwa neema. Ni jambo moja tu lililowastahilisha: Walimpokea Yesu na maneno yake. Ni watu walioitika. Vile vile na wao wasidai chochote kwa watu watakapowahubiria Injili na kuwafanyia huduma yao ya ajabu. Watakaowakaribisha na kuyapokea maneno yao ndio wanaostahili: Nyumba ile ikistahili, amani yenu na iifikilie; la, kwamba haistahili, amani yenu na iwarudie ninyi. Na mtu asipowakaribisha wala kuyasikiliza maneno yenu, mtokapo katika nyumba ile, au mji ule, kung'uteni mavumbi ya miguuni mwenu(m.13-14). Je, unayatoa bure uliyopokea bure?