पुनस्थापना गर्नलाई पुनस्थापित हुनुहोस्

तपाईंले अरूहरूलाई पुनस्थापना गर्न सक्नुहोस् भनेर पवित्र आत्माले तपाईंलाई पुनस्थापना गर्नु हुनेछ!

भजनसंग्रह ५१ को १३ पदले परमेश्वरबाट आफूले पाएको सहायताद्वारा अरूहरूलाई सहायता गर्ने दाऊदको इच्छाबारे बताउँछ।

हाम्रो पुनस्थापना कहिल्यै पनि हाम्रो आफ्नै लागि मात्र होइन। एउटा निश्चित समयमा परमेश्वरले तपाईंलाई अरूलाई पुनस्थापित हुन मदत गर्ने कामको थालनी गर्न लगाउनुहुनेछ। इस्राएलीहरू निर्वासनमा भए तापनि, परमेश्वरलाई तिनीहरूको उद्धार र पुनस्थापना गर्नुहुनेछ भनेर उनले तिनीहरूलाई उत्साह दिँदा यसबारे यशैया अगमवक्ताले सुन्दर तरिकाले लेख्छन्। यद्यपि यो त्यतिकैमा रोकिँदैन किनभने उनले सहरहरू पुन:निर्माण गर्न र एउटा राष्ट्रलाई पुनस्थापना गर्न तिनीहरूको प्रयोग गर्नुपर्ने थियो।

हाम्रो व्यक्तिगत पुनस्थापना एउटा आजीवन प्रक्रिया भए तापनि, अरूलाई पुनस्थापित हुनमा मदत गर्नको लागि हामी तयार रहनुपर्छ। उहाँ र उहाँले दिनुहुने चङ्गाइ पाउन भनेर हाम्रो जीवनमा अरूहरूलाई पहुँच दिएको परमेश्वर मन पराउनुहुन्छ। उहाँलाई मात्र आफ्नो पुनस्थापित गर्ने शक्ति प्रसार गर्ने माध्यम हुन इच्छुक र उपलब्ध व्यक्तिको आवश्यकता छ।

तपाईं विद्यार्थी, पेशा गर्ने व्यक्ति वा गृहिणी जो कोही हुन सक्नुहुन्छ- यसले केही फरक पर्दैन। तपाईंको आवश्यकता भएकाहरूलाई तपाईंले दया र उदारता देखाउनु हुँदा तपाईंले भत्किएका पर्खालहरू मर्मत गर्ने व्यक्ति र घरहरू सहितका सडकहरू पुन:निर्माण गर्ने व्यक्ति बन्नुहुन्छ। तपाईंले मदत गर्नुभएका मानिसहरू सधैंका लागि परिवर्तन हुने छन् र त्यति मात्र होइन, त्यो कुराको पुस्तौंसम्म प्रभाव पर्ने छ।

हामी परमेश्वरको व्यक्तिगत बोलावट पूरा गर्दै र हाम्रो विशेष परिस्थितिमा महान् आज्ञा पालना गर्दै जिउँदा, जो जससँग हाम्रो भेट हुन्छ ती सबै मानिसहरूमा हामीले दिगो पुनस्थापना ल्याएको भेट्टाउने छौँ।

यस बारेमा विचार गर्नुहोस्:

कसलाई तपाईंको आफ्नो कथा बताउन सक्नुहुन्छ र कसलाई सुन्ने काम वा मदत गर्ने हात बढाउन सक्नुहुन्छ?

तपाईं कसरी परमेश्वरको भलोपनको भण्डारे हुनुको साटो पुनस्थापनाको माध्यम हुन सक्नुहुन्छ?

कसैले लिने र दिने दुवै गर्छ भने कसैले चाहिँ केवल भण्डार मात्र गर्छ।

यसको लागि प्रार्थना गर्नुहोस्:

आफ्नो वरपरका मानिसहरूका आवश्यकताप्रति तपाईंको आँखा खोलिदिन र तिनीहरूलाईका निम्ति तपाईं आशिष् हुनमा तपाईंलाई मदत गर्न परमेश्वरसँग प्रार्थना गर्नुहोस्।