अनिश्चितताको समयमा निश्चितताSample

चीजहरू सधैं हाम्रो योजनाहरू अनुसार चल्दैनन्, तर तिनीहरू सधैं परमेश्वरको योजना अनुरुप हुन्छन् ।

तर, बाटोमा कुनै बाधा नभएको जीवन हुदैन । असफलता यी अवरोधहरूमै फेला पर्दैन, तर जब यी अवरोधहरूलाई हाम्रा बाटोमा हामीलाई रोक्न अनुमति दिन्छौं । ढिलाइमा यति हतोत्साहित नहुनुहोस् कि तपाईंले आफ्नो उद्देश्य नै पछ्याउन छोड्नुहुन्छ । हामीलाई के हुन्छ हामी सो नियन्त्रण गर्न सक्दैनौं, तर हामी केवल हाम्रो प्रतिक्रियालाई नियन्त्रण गर्न सक्छौं । पास्टर चार्ल्स आर. स्विन्डोलले एक पटक भनेका थिए कि जीवन भनेको त्यो हो जो तपाईलाई के हुन्छ त्यसको दस प्रतिशत र बाँकी नब्बे प्रतिशत त्यो हो जो तपाई यसमा कस्तो प्रतिक्रिया जनाउनुहुन्छ ।

तपाईंको मानसिकता एक शक्तिशाली चीज हो । म के विश्वास गर्छु भने सफल व्यक्तिहरू धेरै प्रतिभाशाली वा अझ दक्ष भएका कारण सफल भएका होइनन् । ती सफल यसकारण हुन्छन् किनकि उनीहरुमा असफलताको समयमा पनि सफलता प्राप्त गर्ने सोच हुन्छ ।

चट्टानमा हिँडेजस्ता हाम्रो यात्रा कठिन भए पनि हामीले प्रक्रियामा विश्वास गर्नुपर्छ । परमेश्वरले तपाईलाई उहाँले तपाईंको जीवनमा राख्नुभएको योजना अनुसार जिउनको लागि निर्माण गर्दै हुनुहुन्छ । हामी हिँड्नपर्ने गन्तव्यको लागि मानसिक रूपमा तयार पार्नको लागि परमेश्वरले हामीलाई त्यस्ता परिस्थितिहरुद्धारा लैजाँदै हुनुहुन्छ, जसलाई म “अझै बलियो हुने क्षणहरू“ भनेर भन्न रुचाउँछु ।

अनिश्चितताको समयमा निश्चित हुनुको मतलब तपाईको वरिपरि के भइरहेको छ भनेर आँखा चिम्लनु होइन । यसको मतलब यो होइन कि तपाईभित्र डरको भावना छैन, किनकि हामी सबै केवल मानिस हौं । यसको मतलब हामी, ख्रीष्टलाई पछ्याउने व्यक्तिहरुको रूपमा, हामीलाई घेरेका भय र नकारात्मकताको बीचमा पनि विश्वासलाई कायम राख्छौं । यसको मतलब यो हो कि हाम्रो मनमा डर भए पनि, हामी यो जान्दछौं कि अघि बढ्नका लागि आवश्यक सबै कुरा परमेश्वरले हामीलाई प्रदान गर्नुहुनेछ ।

अनिश्चितताको समयमा परमेश्वरको वचन निश्चित छ ।

परमेश्वर निश्चित हुनुहुन्छ ।

येशूले आफ्नो मन बनाउनुभएको छ ।

बुझ्नुहोस्, सीमित संसारमा बाँचेका भए तापनि हामीले असीमित परमेश्वरको सेवा गर्छौं ।