အံ့အားသင့်‌ဝမ်းမြောက်မှုနမူနာ

ဝမ်းမြောက်ခြင်းဆိုသည်မှာ အဘယ်နည်း။ ရိုးရှင်းလေးနက်ပြီး အံ့သြဖွယ်ရာကောင်းတယ့် ဝမ်းမြောက်ခြင်းစာသားကို စာလုံးတစ်လုံးထဲနဲ့ အဓိပ္ပာယ်ဖွင့်ဆိုလို့ ရနိုင်ပါသလား။ ဒါမှမဟုတ်ခရစ်ယာန်တစ်ဦး၏အသက်တာတွင် ခြားနားမှုအားလုံးကိုဖြစ်စေသော ဤတန်ခိုးကြီးသောစကားလုံးအတွက် ဘုရားသခင်၏နှုတ်ကပတ်တော်တွင် အဆုံးမရှိသောအဓိပ္ပါယ်များစွာရှိပါတယ်။

ဝမ်းမြောက်ခြင်းက အရာအားလုံးကိုနားလည်နိုင်စွမ်း‌ပေးတယ့် ငြိမ်သက်ခြင်းဖြစ်သည်။

ဝမ်းမြောက်ခြင်းသည် သင့်အတွက် လှိုက်လှိုက်လှဲလှဲ အားပေးနေသည့် သက်သေများဖြစ်သည်။

ဝမ်းမြောက်ခြင်းသည် သင့်အပေါ် ဘုရားထားရှိသောချစ်ခြင်းမေတ္တာကို မည်သည့်အရာကမျှ မခွဲထုတ်နိုင်သောအသိပညာဖြစ်သည်။

ဝမ်းမြောက်ခြင်းသည် ရေပေါ်မှာ လမ်း‌လျှောက်ခြင်းဖြစ်သည်။ ရှင်ပေတရုကို မေးကြည့်ပါ။

ဝမ်းမြောက်ခြင်းသည် ‌‌ရေကိုစပျစ်ရည်အဖြစ် ‌ပြောင်းလဲခြင်းဖြစ်ပြီး ကလေးငယ်တယောက်၏ နေ့လယ်စာဖြင့် လူထောင်ပေါင်းများစွာကို ကျွေးခြင်းဖြစ်သည်။

ဝမ်းမြောက်ခြင်းသည် ကြယ်‌တွေစုံတယ့်ညမှာ ဗက်လင်မြို့၏တောင်ကုန်းများမှ ကောင်းကင်တမန်များကို တွေ့ရှိခြင်းဖြစ်သည်။

ဝမ်းမြောက်ခြင်းသည် မုန်ညင်းစေ့ အရွယ်မျှသာ ဖြစ်သည်။

ဝမ်းမြောက်ခြင်းသည် အရွယ်မျိုးစုံကလေးသူငယ်တွေက သူ၏ဒူးပေါ်တွင်ထိုင်ပြီး ကြည်ညိုလေးစားစွာ "ဆရာ" လို့ခေါ်နေခြင်းဖြစ်သည်။

ဝမ်း‌မြောက်ခြင်းသည် ရေထဲကို ဝက်တွေပြေးဆင်းခုန်ချပြီး ရေနစ်သွားတာဖြစ်သည်။

ဝမ်းမြောက်ခြင်းသည် အပျိုစင်တဦးက " အရှင်ပြောသည့်အတိုင်းဖြစ်ပါစေ"လို့ ကောင်းကင်တမန်အား ‌ပြောခြင်းဖြစ်သည်။

ဝမ်းမြောက်ခြင်းသည် အသက်၉၀မှာပင် ကလေးလေးဖြစ်နေသေးသည်။

ဝမ်းမြောက်ခြင်းသည် သဲကန္တာရမှာ ‌စမ်းရေဖြစ်ပြီး လွင်ပြင်ခေါင်မှာ လျှောက်လမ်းဖြစ်သည်။

ဝမ်း‌မြောက်ခြင်းသည် ကျွန်ုပ်ဘဝအတွက် အံ့သြဖွယ်ရာ ရေငတ်မ‌ပြေနိုင်သော ကိုယ်တော့်ရဲ့ မျက်မှောက်တော်ဖြစ်သည်။