Малын тэвш рүү хийх аянЗагвар

Есүстэй уулзах

Эзэний тэнгэрэлч хоньчидтой ярих үед, үүний дараахан нь өнөөх тэнгэрэлчийн хамт үй олон тэнгэрлэг дайчид үзэгдэж, өмнө нь сонсогдож байгаагүй магтаалыг дуулан, гайхамшигтай гэрлийг цацруулан байх үед тэд ямар их гайхширсан талаар төсөөлөөд үз. Хээр тал, хонин сүргээ орхин яваад тэнгэрэлчийн тэдэнд хэлсэн бүхнийг биелэхийг нь хараад тэд ямар ихээр баярлан хөөрсөн талаар төсөөлөөд үз. 

Гэсэн хэдий ч тэр шөнө тэдний амьдралыг өөрчлөхүйц үзсэн харсан зүйлсээс ч илүүтэй нь Мессиаг нүдээрээ харсан явдал байлаа. Энэ нь тэдний зүрхийг магтахад хүргэжээ. Энэхүү бохир малын хашаан дахь бяцхан Хүү Хэн байсан талаар тэнгэрэлч тэдгээр даруу хоньчдод хэлсэн байсан бөгөөд тэдний зүрх сэтгэл нь тэдэнд Түүнийг таних, Хаан болохынхоо хувьд хүртвэл зохих хүндлэл, бишрэлийг Түүнд өгөх боломжийг олгожээ.

Үүний нэгэн адилаар, та Есүстэй уулзан, Түүний Хэн болохыг нь харах үед Түүний хайр, алдрын ухаарал, талархлын хамтаар зүрх сэтгэлийг тань дүүргэн, Түүнийг улам илүүгээр таньж мэдэх хүслийг танд төрүүлэх болно.

Үйл ажиллагаа:Хамгийн дуртай Христийн мэндэлсэн баярын магтан дуу эсвэл магтуунуудаар плэйлистийг үүсгэ. Үүнийг сонсож байхдаа, таныг гэсэн Бурханы агуу хайрын талаар эргэцүүлэн бод.