Гар урчуудын дүрслэл

Тэнгисийн эрэг дээр орших Иоппа гэдэг тосгонд Табита хэмээх ажилсаг эмэгтэй амьдарч байв. Тэр ноосон, маалинган хувцас эдлэл нэхэж, оёдог байсан нь хувцас үнэтэй байсан тухайн цаг үедээ тун чухал ажил байв.

Тэр бас Доркас гэдэг нэрээрээ хүмүүст танигдсан. Түүнийг үхэлд хүргэх өвчин тусаад нас барахад нь итгэгчид 16 км-ийн цаана Луддад байсан Пертийг дуудуулсан ба тэр тэнд 8 жил хэвтэрт байсан нэгнийг дөнгөж эдгээгээд байж байв. Нар жаргах үед түүнийг оршуулахаас өмнө очиж залбирахаар Петр Иоппагийн ах дүүсийн хамт яарав. Табита Бурханы хүчээр амь орсон нь чуулганы хувьд болон түүний үйлчилж байсан бэлэвсэн эмэгтэйчүүдэд асар их баяр хөөрийг өгөв.

Үйлс 9:36-42-г уншаад дараах зүйлсийг эргэцүүлэн бодоорой:

36-р эшлэлд Табитаг дагалдагч гэж танилцуулсан. Лукийн ашигласан энэ Грек үг нь ‘эмэгтэй дагалдагч’ гэсэн утгатайн дээр Шинэ Гэрээнд ганцхан удаа гардаг. Анагааж, эдгээгдсэн цөөн хэдэн хүний нэрийг л Үйлс номд дурдсан ба Лук энэ үгийг ашиглан түүний нэрийг ил тод нэрлэсний учир юу байв?

Табита энэрэнгүй, өгөөмөр эмэгтэй байсан, ялангуяа бэлэвсэн эмэгтэйчүүдэд. Түүнийг нас барахад бэлэвсэн эмэгтэйчүүдийн гаргасан үйлдэл Табитаг ямар байдлаар дүрсэн харуулав? Табитаг нас бармагц тэд хоёр эрийг Петр рүү илгээн яаралтай ирээч гэж хэл хүргүүлсэн.

Тэдний энэ хүсэлт түүний нийгэмд эзлэх байр суурийн талаар юуг харуулав? Табита зөвхөн гэр бүлдээ (тухайн үеийн дийлэнх эмэгтэйчүүд шиг) болон Иоппагийн бэлэвсэн эмэгтэйчүүдэд зориулан хувцас оёод зогсохгүй, баян чинээлэг худалдан авагчдад бараагаа зардаг уран гартан байсан байж болох юм.

Шаргуу хөдөлмөрлөн бусдад өгөөмрөөр туслах боломжтой болсон хэн нэгнийг та мэдэх үү?