Зөвлөн чиглүүлэгч

Паултай хамт майхан оёдог байсан Прискила, Акул нар түүнтэй цуг Коринт хотоос Сири рүү явсан. Ефес хотын иудейчүүд Сайнмэдээнд нээлттэй байгааг Паул сонсоод түрүүлж явсан ба Прискила, Акул нар түүний хойноос Ефест очсон (Үйлс 18:18-20). Тэнд ажиллаж, үйлчилж байхад нь Апол гэдэг номлогч иржээ. Хэдийгээр тэр өндөр боловсролтой, Есүсийн төлөө зүрх сэтгэлтэй байсан боловч зарим нэг зүйлийг дутуу ойлгосон байв. Прискила, Акул хоёр тэр залуугийн билэг авьяас, эр зоригийг олж харсан ч Есүсийн баптисмын талаар дутуу ойлголттой байгаад нь санаа зовниж байлаа. Түүнийг сайнмэдээ түгээх аяллаа үргэлжлүүлэхэд бүрэн бэлэн болох хүртэл хүртэл тэд Аполыг аядуу зөөлнөөр зөвлөн чиглүүлжээ.

Үйлс 18:24-28 уншаад дараах зүйлсийг эргэцүүлэн бодоорой:

Апол хойд Африкийн чухал хот, эрдэм мэдлэгийн төв болох Александраас ирсэн. Лук Аполыг уран цэцэн хүн гэж дүрсэлсэн нь тэр уран яруу илтгэхийг сурсныг харуулж байна.

Прискила, Акул хоёр өөрсдийгөө Аполтой харьцуулан бодсон болов уу?

Апол иудей хүн байсан болохоор Библийг сайн мэддэг байсан. Тэр Христитгэлтэй учир Есүсийн түүхийг мэднэ. Гэсэн хэдий ч тэр зөвхөн Иоханы баптисмыг л мэдэж байсан. Яагаад Прискила, Акул хоёр үүнд нь санаа зовж байсан бэ? Тэд Аполд хэрхэн хандсан бэ?

Прискила, Акул хоёр майхан оёдог хүмүүс байсан ч ‘'Бурханы Зам’'-н тухай Аполоос илүү мэдэж байсан. Энэ нь ажлын байран дахь Христэд итгэгчид болон номлогчдын талаарх нийтлэг ойлголтод хэрхэн нөлөөлж байна вэ?

Ефесийн цуглаан Аполыг хүлээн аваарай гэсэн захиа бичиж өгсөнөөрөө түүнийг Ахайн цуглаанд үйлчлэх боломжтой болгосон. Прискила, Акул хоёр Аполыг зөвлөн чиглүүлсэн нь хэрхэн үр дүнгээ өгсөн бэ? Хэн зөвлөн чиглүүлэх боломжтой, яагаад зөвлөн чиглүүлэг чухал болох талаар энэ түүх юуг харуулж байна вэ?