ГАНЦХАН ЗҮЙЛЗагвар

Хамгийн чухал ГАНЦХАН ЗҮЙЛ маань юу болохыг олж мэдэхээ үргэлжлүүлэх үедээ бид Дуулал 27:4-ийн дараагийн хэсэг болох -ЭРЖ ХАЙХ дээр ирээд байна.

Би нэг л зүйлийг ЭРЖ ХАЙЖ БАЙНА.

Хэрхэн залбирахыг Есүс шавь нартаа заасныхаа дараа, хэрэгцээгээ хөршөөсөө гуйн, өгөх хүртэл нь хаалгыг нь тогшихоо зогсоогүй эрийн талаарх түүхээр Тэр тэдний сонирхлыг татсан. Эрдэг хүн олдог. Түүний эрсэн зүйлээ олж авсан шалтгаан бол түүний шазруун зан эсвэл зоримог байдал нь байсан.

Бид ямар нэгэн зүйлийг эрж хайж л байдаг, гэхдээ бид үнэхээр яг юуг эрж хайж байна вэ?

Бид ихэнхдээ өөрсдийнхөө ашиг эсвэл хүслүүдийг эрж хайдаг. Эдгээрийн зарим нь сайн, зарим нь хувиа хичээсэн байж болох ч ГАНЦХАН ЗҮЙЛИЙГ эрж хайхтай дүйцэх зүйл гэж нэг ч үгүй.

Дуулал 14:2, Тэнгэрээс ЭЗЭН хүний хөвгүүдийг өнгийн харсан нь Ухаардаг, Бурханыг эрэн хайдаг хүн байгаа эсэхийг харахын тулд аж гэж хэлдэг.

Бурханыг эрж хайх хамгийн шилдэг арга зам бол Түүний Үгээс Түүнийг олох юм. Хэрэв та хариултууд, мэргэн ухаан, зүг чиг, чиглүүлэг эсвэл итгэлийг эрж хайж байгаа бол - энэ бүхнийг та Библиэс олох боломжтой.

Эдгээр үгсийг унших тусам эдгээр нь зүгээр л цаасан дээрх үгс биш болж хувирдаг. Эдгээр нь Өөрийнх нь араас мөрдөн мөшгөхөд биднийг дууддаг Ариун Бурханы амьд бөгөөд амьсгалсан үгс мөн. Бурханы араас мөрдөн мөшгөх хамгийн шилдэг арга зам бол Түүнтэй хамт цагийг өнгөрүүлэх юм. Номыг бид дэлгэх бүрдээ Зохиогчтой хамт бид цагийг өнгөрүүлж байдаг.

Үгийг уншихад танд туслахуйц хэдэн зөвлөгөөг дор дурдъя:

1. Юуны түрүүнд залбир - уншиж буй үгсээр Өөрийгөө танд илчлэхийг Бурханаас гуйн залбир
2. Тогтмол хийдэг бай - өдөр бүр тогтсон цагт уншдаг бас судалдаг бай
3. Албадлага бусаар үүнийг хий - Үгийг нээх нэмэлт хором мөчийг ологтун
4. Арай илүү цагийг Түүнтэй хамт өнгөрүүл - Түүний Үгэн дотор хэдий чинээ цагийг та өнгөрүүлнэ, үүнийг хийх хүсэл тан төдий чинээгээр өсдөг
5. Тэмдэглэл хөтөл - тэр өдрийн уншсан зүйлээсээ гол санаанууд, залбирлуудыг бич
6. Бясалга - өдрийн туршид Үгэнд өөртөө нэвчих боломжийг олго
7. Библи судлалын хэрэгслүүдээс хэрэглэж үз - энэ нь Бурханы Үгнээс үнэнийг нээхэд тан танд туслах болно

Хэрэв та Түүнийг үнэхээр эрж хайхыг хүсэж байгаа бол та Түүнийг олох болно (Иеремиа 29:13).

'Ивээлийг бус харин Түүнийг эрж хай, Түүнийг таньж мэдэхийг эрж хай, Түүний оршихуйг ухаарах ухаарлыг эрж хай, Түүнийг хайрлахын тулд эрж хай. Өөр бусад бүхий л зүйлс болоод өөрийгөө үгүйсгэ, тэгснээрээ та Түүний дотор мөн Түүний төлөө бүрэн дүүрэн амьдарч улмаар өөрийгөө бүхлээр нь Түүнд өргөх боломжтой болох аж. Тэр бүхний гол төв байх юм бол та аюулгүй байх болно.' -Давид Мартин Ллойд-Жонес