Ертөнцөд тань! Баяр хөөр ирэг! Христ мэндэлсэн өдөр хүртэлх тоололЗагвар

Дөнгөж төрсөн Христийн гэрт хүрэлцэн ирсэнийхээ бас цэвэр магтаалаас ирэх баяр хөөрийг мэдэрснийхээ дараа мэргэд үнэ цэнэтэй бэлэг болох алт, гүгэл болон миррийг өгсөн. Эдгээр нь Хааны гэр бүлд яг тохирсон бэлэг байсан!

“Херод дээр буцаж бүү оч гэж зүүдэнд нь Бурхан анхааруулсанд тэд өөр замаар нутгийн зүг одлоо.” -(Матай 2:12)

Ямар ч хүн Хаадын Хааныг чин сэтгэлээсээ магтан бас Түүнд ямар нэгэн үнэ цэнэтэй зүйлээ өгөх үед, Бурханы дуу хоолойг сонсоход үнэхээр амархан болдог! Энэ гайхамшигт үйл явдлын өмнөхөн, мэргэд энэ дэлхийн зүг чиглүүлэлт болон хүний шүүлтээс хамааралтай байх хэрэгтэй байсан. Харин одоо, тэд Есүсийг таньж мэдсэн учраас, Түүний оршихуйд тэд нүүрээрээ газар унасан учраас бас тэд Түүнд үнэ цэнэтэй зүйлсээ өгсөн учраас, тэдэнд Бурханаас ирэх зүг чигийг ойлгоход амархан болсон. Итгэгчийн амьдрал дахь магтаал нь үргэлж тэнгэрулсын дуу чимээг өсгөдөг!

Мэргэд нь од гаригсын байршилаас,тухайн үеийнхээ мэргэдийн хуйлаас бичгүүдээс болон дэлхийн засаг захиргааны удирдлагуудаас бүхий л мэдлэгээ олж авахад гаршсан хүмүүс байсан. Одоо эдгээр эрчүүд эрин зууны Бурханы дуу хоолойг сонссон! Зүг чигээ Бурханаас олж авах мэргэн оюун ухааныг эдгээр эрчүүд таньж мэдэж байгаа. Тэд Түүний дуу хоолойг сонсоод зогсолгүй ... тэд Түүний дуу хоолойг дуулгавартайгаар дагасан! Академын хувьд нэр төр нь үнэхээр өндөрт өргөгдсөн хүмүүсийн хувьд том өөрчлөлт шүү!

Тэдний зүүдээр дамжуулан ирсэн замаасаа огт өөр замаар нутаг руугаа буцахыг Бурхан тэдэнд урьдаас сануулан хэлсэн. Тэд Иерусалимаар дамжин буцаж ирэх үед нь Иудейчүүдийн шинэ төрсөн Хааныг алахаар зэхэн бас мэргэдээс Түүний байршилыг олж мэдэхээр Херод хаан хүлээж байсан. Магтаал нь хүн төрөлхтөнд Бурханы дуу хоолойг сонсох боломжийг олгоод зогсолгүй бас ихэнхдээ тухайн хүний явах зүг чигийг өөрчилдөг.

Магтаал нь хувь заяны тань талаар таньд цоо шинэ үзэл бодлыг өгөх бөгөөд таны амьдрал дахь Бурханы төлөвлөсөн байршилд очиход зохих замыг тань тодорхойлох болно. Христ доторхи төгс хувь тавиландаа хүрэх боломжийг таньд олгоход магтаал болон чин сэтгэлийн өргөлийн гүйцэтгэх үүргийг хэзээ ч бүү дутуугаар үнэл.

Мэргэдийн нэгэн адилаар, Бурхан таныг Түүний дуу хоолойг сонсохыг бас ингэснээр таны зүг чигийг өөрчилөхийг хүсч байж болох юм. Амьдрал зөв харьцаатай байхад таны гүйцэтгэх үүрэг бол Түүнийг байгаа бүхнээрээ магтах бас Түүнд золиос гарган өгөх мөн. Магтах болон чин сэтгэлээсээ өгөх нь Христ мэндэлсэн баярын хамгийн чухал хэсэг нь байсаар байгаа, байсаар ч ирсэн, байх ч болно!