Танигдсан нэгэн: Өөрийнхөө хэн болохыг таньж мэдэх 10 өдөрЗагвар

Бурхан бүхнийг бүтээсэн—угтаа бүхий л зүйлийг—зорилготойгоор Тэр бүтээсэн. Зөгий тоос хүртээх, ургамлыг өсөж, үржихэд, үр жимс гаргахад нь туслах зорилготой. Цахилгаан цахилах нь усан дахь ашиггүй азотыг уусгах зорилготой бөгөөд, улмаар ургамал үндсээрээ дамжуулан шингээж авах боломж бүхий байгалийн бордоог бий болгодог. Улиас мод олон төрлийн зэрлэг амьтдад хоргодох газрыг олгох зорилготой. Бүхий л зүйлд онцгой зорилго гэж байдаг хэдий ч тэдэнд бүгдэд нь—Түүний үзэсгэлэн, алдрыг харуулах замаар Бурханыг агуугаар илэрхийлэх гэсэн нэг түгээмэл зорилго байдаг. Гэхдээ та бид хоёр шиг Бурханы дүр төрхийн дагуу бүтээгдсэн бүтээл Ертөнц дээр нэг ч үгүй. Дэлхий дээр тан шиг Түүнийг өөрөөсөө тусган харуулдаг бүтээл гэж нэг ч үгүй. Од эрхэс биш зөвхөн та бид хоёр л Бурханы уучлалт, нигүүлсэл, хайрыг эргэн тойрныхондоо харуулах чадвартай.

Бусад хүмүүс таныг хэрхэн ойлгодог арга замыг зохицуулахад цаг зав, эрч хүчээ зарцуулах юм бол ихэнхдээ хуурамч бөгөөд төгс зохиомол хувилбараа бий болгоод зогсохгүй мөн Эзэний танд зориулсан хамгийн том зорилгыг олж авч чадахгүй алдахад хүрдэг.

Эргэн тойрныхондоо харагдах гадаад байдал чинь энэ дэлхий дээрх зорилго чинь огтхон ч биш, мөн Эзэний титмийн чулуу мэт гялалзахаар яагаад дуудагдсан болох шалтгаан чинь ч огт биш (Зехариа 9:16). Дэлхий огторгуйн мандалд титмийн чулуу мэт гялалзуулахаар оддыг Бурхан бүтээж байхдаа, тэнгэрулсын жинхэнэ эрдэнэсийг агуулуулахаар Тэр таныг бүтээжээ. Таны зүрхэнд амьд Бурханы Ариун сүнс оршин суудаг. Таны онцгой зорилго бейсбол тоглогч, нүүр хувиргагч, бие махбодын нөхөн сэргээгч эмч эсвэл график дизайнер байж болох юм. Гэсэн хэдий ч, Бурханы хүүхэд болохынхоо хувьд таны хамгийн гол зорилго найз нөхдөдөө, багийнхандаа, ангийнхандаа мөн гэр бүлдээ зөвхөн таны харуулж чадах тийм арга замаар үргэлж Бурханы хайрыг тусган харуулах мөн Түүний уучлалт, нигүүлсэл, энэрэнгүй байдлыг үзүүлэх байх болно.