Есүс шиг хайрлахЗагвар

Христ чуулганыг хайрладаг шиг (2-р хэсэг)

Тэр минь үүнийг мэдрэх шөнө бид гэрлээд ердөө хоёрхон жил л болж байлаа: тэр даруйдаа бүхий л бусад мэдрэмжийг нь шаналгахуйц хутгаар дүрэх мэт хүчтэй өвдөлт. Хүчтэй өвдөлт нь давалгаа мэт өвдөлт, нүүрний хувиралтууд, нулимсын хамтаар дараагийн хэдэн цагийн туршид намдах болно. Бүрэг ичимхий, туранхай 20 настай хүн, жаргалтай зовлонтой бүхий л үед нь энэ эмэгтэйг хайрлахаар амласан хүн хэдий ч хэдэн арван жил бэлтгэсний дараа зовлонтой цаг үе ирэх байх гэж би таамагласан байлаа. Гэвч энэ нь надад тохиолдоогүй. Өвдөлт эргэн ирсээр л байлаа. Шөнө хүүхэд маань өрөөнөөс маань холгүйхэн байх үед ихэнх гэрлэсэн хосуудын холбогддогтой адилханаар бид холбогдохыг хичээсэн боловч таашаалын оронд зүгээр л өвдөлт ирдэг байлаа. Энэ нь гурван жилийн турш дахь дотно байдлын ган гачигийн эхний хэдэн өдрүүд байлаа. Энэ нь унтлагын өрөөнд минь гэтэн орж ирээд, урт удаан шөнийн сүүдэр мэтээр гэрлэлт дээр минь сүүмэлзэн байв. Биднийг улам илүү ойртуулахад зориулагдсан үйлдэл нь одоо биднийг холдуулах зүйл болж хувирсан. Хэдэн долоо хоног өнгөрсний дараа нөхцөл байдал дээрдсэн байх хэмээн бид найдах байдлаар дахин оролдох үед минь яг л хэвээрээ байдаг байв. Удалгүй бид оролдохоо ч больсон. Олон шөнийн туршид бид орон дотор бие биерүүгээ нуруугаа харуулан, өөр өөр хана руу ширтэцгээдэг байв. Өвдөлтөө нуухыг хичээхдээ түүнийхээ чимээгүйхэн уйлахыг би сонсдог байсан бөгөөд би ч бас өөрөө чимээгүйхэн уйлдаг байлаа.

Энэ нь гэрлэлт гэж миний төсөөлснөөс хамаагүй өөр зүйл байв. Бохир аяга тавгууд, живхэвчнүүд, угаах хувцаснууд болон хадах өвс-гэх мэт бүхий л үүрэг хариуцлага овоорон улмаар биднийг улам илүү холдуулж байлаа. Маргааны дараа эвлэрэх цаг гэж огт байхгүй байв. Хагас сайны өглөө гэж байхгүй байв. Болзох орой гэж байхгүй байв. Тулаан нь биднийг бие махбодын болоод сэтгэл санааны хувьд гэмтээж орхисон байв. Христ чуулганыг хайрладаг шигээр би түүнийгээ хайрласан гэж бодож байсан хэдий ч өөрийгөө түүнийхээ төлөө золиослох гэж ямар утга учиртай болохыг би тийм ч сайн таньж мэдээгүй байсан. Есүс шиг хайрлах талаар үнэндээ би ямар бага мэддэг болохоо ухаарсан. Энэ бүхнийг орхихыг би үнэхээр ноцтойгоор бодож байлаа. Түүнийгээ унтсаны дараа олон шөнийн туршид би шөнө дөл хүртэл залбирал дотроо Бурханд хандан хашхиран уйлдаг байв. Миний үл ойлгох шалтгаанаар түүнтэйгээ эргэн холбогдох гэсэн оролдлогууд маань өдрөөс өдөрт бүтэлгүйтэж байгааг би олж харсан.

Тэр л үед Бурхан нүдийг минь нээсэн бөгөөд Есүс миний талаар ийм мэдрэмжийг мэдэрдэг шүү дээ гэж бодож байснаа би сайн санаж байна.Өглөө бүр Тэрээр надтай холбогдохыг гуйдаг байсан хэдий ч би үнэхээр завгүй байдаг байлаа. Үдэш бүр орондоо орохоосоо өмнө Есүстэй хамт цагийг өнгөрүүлэхийнхээ оронд хувь заяандаа гомдоллох байдалдаа умбан сэтгэл санааны хувьд хоосорсон байдалтай байдаг байлаа. Түүний хамгийн дотно урилгаас дахин дахин татгалзах үед минь Есүс ямар их зовж, зүрх нь шархалж байсныг би төсөөлж байна.

Энэ бүхий л цаг үеийн туршид гэрлэлтээ л хүчирхэгжүүлэх нь хамгийн чухал хэмээн тунхаглахын хажуугаар нөхөр болох эрхээсээ зуурсаар байлаа. Үүнийг давж туулахын тулд би өөрөө өөрчлөгдөх шаардлагатай байв. Энэ нь нэг талыг хэт барьж буй мэт санагдах үед ч хүртэл нөхөр болох эрхээ хойш нь тавьж, түүнийгээ нөхцөл үл шаардан хайрлах нь түүнд минь хамгийн ихээр хэрэгтэй байв. Татгалзлын хатгалт ирэх бүрт би Түүнээс татгалзах үед Бурханд ямар санагдаж байсныг санадаг байв. Ефес номонд, эхнэрээ хайрлагч нь өөрийгөө хайрладаг гэж хэлсэн байдаг. Хамгийн их хайр хэрэгтэй мэт санагдах үедээ эхнэрээ хамгийн ихээр хайрлах хэрэгтэй болохыг би сурсан. Ийм төрлийн өсөлт нь зүгээр л цаг хугацаа өнгөрөхийн хирээр ирдэг зүйл биш. Энэ нь зовлон бэрхшээл, зориулалт, хүлцэнгүй байдлаар дамжуулан хөгждөг зүйл.

Есүс шигээр түүнийгээ хайрлахдаа төгс болчихсон хүн бол би биш, харин Тэрээр гэрлэлтийг маань нигүүлслээрээ бүрэн эдгээсэн бөгөөд бидэнд бат бэх нэгдлийг өгсөн. Өвдөлт болоод үүнийхээ явцад бие биенийгээ хайрлах сонголтынхоо үр дүнд зарим гэрлэлтийн хэзээ ч мэдэрч чадахааргүй дотносолыг бид мэдрэх болсон.

Майкл Мартин
YouVersion Баг