Апп-ийг аваарайКОРОНАВИРУСИЙН ҮЕ ДЭХ АЙДАСЗагвар
ЕГИПЕТЭЭС КАНААН ХҮРТЭЛ БУРХАН ТЭДЭНТЭЙ ХАМТ
Ямар ч нөхцөл байдалд Бурхан Өөрийнхөө оршихуйгаар бидэнтэй хамт байдаг, хүнд үед Өөрийнхөө хүүхдүүдийг хэзээ ч орхидоггүйн баталгааг Хуучин гэрээн дээрээс хамгийн анх олж харж болно. Израильчууд боолчлолоос зугтан Египетээс цөлөөр дөчин жил тэнүүчлэх үед Бурхан тэдэнтэй хамт байлаа. Тэр тэдэнтэй хамт байгаад зогсохгүй, Тэр тэдний өмнөөс тулалдан, тэднийг газарчилж, тэдний хэрэгцээг нь хангажээ.
Бидний итгэмжит Бурхан өчигдөр, өнөөдөр, маргааш ч мөнхөд хэвээрээ. Тэр хэзээ ч хувиршгүй. Тэр израильчуудад тийнхүү үйлдсэнчлэн таныг ч бас айдас бүхий нөхцөл байдлаас гарахад тань газарчлах болно. Эдгээр эшлэлүүдийг унших явцдаа Бурханы амлалтууд болоод Бурханы хийсэн зүйлсээс урам зориг олж аваарай. Өнөөдрөөс үүрд мөнхөд та Түүний оршихуйд найдаж болно.
Найдвараа зөвхөн Түүнд, бүрэн тавих үед Бурхан таны айдсыг амар тайвнаар орлуулах болно. "Хайртай Эзэн минь, би үнэхээр айж байна. Энэ ноцтой хямралын үед юу болохыг би мэдэхгүй. Хайртай хүмүүс минь, мөн би аюулгүй байх болов уу? Би байгаа бүхнээ алдах юм биш биз? Таны тусламж надад ямар их хэрэгтэй болохыг би мэдэн Тан дээр ирж байна. Айдас минь намайг бүрэн эзэмдэж байна. Таны оршихуй надтай хамт болохыг Таны Үг надад дахин санууллаа. Тэнгэрлэг Ааваа, айдсыг минь Танд найдах найдвараар солиход Таны хүч чадал надад хэрэгтэй байна. Та надтай хамт байдаг учраас айх шаардлагагүй гэдгээ би мэднэ. Эзэн, айдсаас минь намайг чөлөөлсний төлөө би Танд талархъя. Амен." хэмээн залбирал дотор Түүн рүү хандаарай.
Энэ төлөвлөгөөний тухай
Өнөө үед бид цар тахлыг тойрсон, урьд өмнө үзэгдээгүй сэтгэлийн зовлон, түгшүүр санаа зоволтоор дүүрэн байх болсон. Цар тахлаас айх үлэмж их айдас яг л вирусийн адил тархаж байгаа мэт байна. Хэрвээ та сүүлийн үед айдас, санаа зоволт мэдэрч байгаа бол энэхүү долоо хоногийн уншлагын төлөвлөгөө танд яг тохирох болно. Бурханы Үгээс амар тайвныг, Түүний хүч чадлаас хүчийг, таныг гэсэн Түүний хувиршгүй хайраас найдвар болон урамшууллыг авах болно.
More
