Што е вистинска љубов?Примерок

Заклучок

Имајќи го на ум сето она што го прочита, проучи и размислуваше во изминатите неколку дена, дали твоето срце копнее да ја запознае вистинската љубов и навистина да го сака Господ?! Потребен ни е Господ. Тој е единствениот кој може да ни покаже што е вистинска љубов и како да се ослободиме од гревот што се чини дека постојано е во наша близина. Себе-одрекувањето и умртвувањето на телесниот човек е доживотна задача. Тоа значи дека СЕКОЈДНЕВНО мора да ги тргнеме на страна нашите сопствени патишта и да „живееме по вера“. Треба да се навикнеме да ја приближуваме Божјата вистина до срцето и секојдневно да ја живееме на дело. Мора да ги отфрлиме лагите на телото, на ѓаволот и на светот и да ја исполнуваме вистината од Божјиот Збор преку силата на Светиот Дух. Колку повеќе учиме да ги отфрлиме удобностите и патиштата на овој свет, толку повеќе ќе можеме да уживаме во радостите и присуството на Христос, и толку повеќе нашиот апетит за Христос ќе расте. Ќе бидеме променети преку обновувањето на нашите умови и срца. Ќе сакаме да ги оставиме нашите стари патишта и да се прилепиме кон удобностите и патиштата на Христос и да ги спознаваме вистинските радости и задоволства кои произлегуваат од вистинската љубов. Ќе ја доживееме Неговата љубов во и преку нас и ќе ја исполниме Божјата намера за нас, како што е јасно кажано во Вестминстерскиот катехизам: Која е главната цел на човекот? Главната цел на човекот е да го слави Бог и да ужива во Него засекогаш!

Да се ​​помолиме, „Те сакам Господи, бидејќи го слушаш мојот глас и моите молитви. Твојата љубов се излеа во моето срце преку Светиот Дух, кој ми беше даден. Благодарам, Господи!“

Приближи ја вистината до своето срце:
Избери библиски стих од денешното читање кој ќе го запомниш.

Себе-одрекување:
За кој конкретен грев во твојот живот зборува стихот кој го одбра?

Спроведување на вистината на дело:
Кои конкретни промени треба да ги направиш во твоето размислување, ставови или однесување за да се покориш на Бог?