Што е вистинска љубов?Примерок

Резултатот од вистинска љубов? Радост!

Нашата душа може секојдневно да се повредува од последиците од гревот во кој живееме, и со тоа нашето срце тагува во нашата слабост. Џон Овен рекол дека се чувствува слаб како вода. Некои денови можат да бидат многу потешки од други. Околностите се менуваат, а бурите доаѓаат и си одат од нашите животи. Непријателот нѐ обвинува. Каде е нашата надеж? Во Христа! Кога испитувањата траат со месеци, години, дури и со децении, каде е љубовта? Каде е нашата надеж? Во Христа! Нашата послушност кон Бога се тестира и испитува. Каде е нашата послушност? Во Христа! Кога сме искушувани, многу мисли и чувства во нашите глави и срца се судираат и спротивставуваат. Каде е нашата енергија, сила, и нашата младешка ревност? Во Христа!

Исус е твоето богатство над сѐ; твоето сѐ. Надевај се во Неговиот Збор и верувај во она што Тој го кажува, а не она што го мислиш, она што некој друг го кажува, или она што го чувствуваш. Тој е центар, основа, јадро, возвишен - сѐ! Христос! Неговите живот, смрт и воскресение беа за доброто на недостојните бунтовни грешници какви што сме јас и ти. Тој ги остави својата позиција и круна и го положи својот живот. Ние сме повикани на иста таква смрт за самите себе, заради Христос и другите.

Послушај го Божјиот Збор и верувај му во мислите, зборовите и делата. Приближи се кон Христа и Неговата љубов. Одлучи да ги оставиш настрана старите чувства и начини на размислување и живеј во вера, надевајќи се дека сето она што Божјиот Збор го вели е вистина.

Како да го следиме изворот на вистинската љубов и да дозволиме Неговата љубов да тече во и низ нашите животи? Како да научиме да останеме блиску до Него и во чекор со Неговиот Дух и да ги следиме Неговите желби, а не нашите?

Прво, ние мора да видиме дали сме се отстраниле од Неговата љубов. Прашај го: „Дали гледам јасно? Дали одам во чекор со тебе, Господи?“ Можеме да молиме кратка молитва во текот на денот, за Тој да ни помогне: „Помогни ми да верувам и да одам во Твојата љубов! Господе, сакам да те сакам. Помогни ми да те сакам со целото мое срце, душа, ум и сила и помогни ми да ги сакам другите.

Твојата младост се обновува како на орел! Ќе најдеш радост во Господ и сила од таа радост!