Од овој ден натаму, од Крег и Ејми ГрошелПримерок

„Барај го Бог“ Современата култура ни кажува дека треба да ја бараме совршената личност: „единствената“. Ако успееме да ја пронајдеме и да стапиме во брак со „единствената“ личност, тогаш сѐ понатаму треба да биде брачна среќа, нели? Поприлично е неразумно да имаме такво очекување од некого. Само помисли: дали ТИ ќе сакаш да бидеш онаа „единствена“ личност што ќе ја носи таа одговорност? Тогаш зошто да наметнуваме такви очекувања на некој друг? Бог е Тој кој те исполнува. Тој те создаде за да го љубиш Него со сето свое срце и да го поставиш над сѐ останато. Бог е твојот Единствен. Твојот брачен сопатник е на второ место. И кога двајцата ќе се обврзете да го барате Бог заедно, вие можете да изградите брак - заедно - на цврста основа која ќе го издржи тестот на времето Што можеш да побараш од Бог да направи во тебе за да станеш подобар партнер за твојот сопружник? Постани таков тип на човек со каков што посакуваш да бидеш во брак. Барај го Единствениот заедно со личноста што ти е на второ место. Започнете со ветување дека ќе се молите заедно секој ден, па дури и да биде преку текстуална порака, телефон или во тишина. Ајде да се помолиме заедно: Боже, помогни ни да Те поставиме Тебе на прво место во нашиот дом и да Те бараме заедно. Помогни ни да создадеме силна основа, градејќи ја нашата врска во Тебе. Помогни ни да се посветиме редовно да се молиме заедно во секој ден. Во името на Исус, амин.