Tsy mbola nilaza ny teniny farany Andriamanitra...😀

Amin’izao vanim-potoanan’ny Paska izao, dia tsara ny mahatsiaro izay rehetra niaretan’ny Mpamonjy antsika noho ny fitiavany antsika teo amin’ny Hazofijaliana... sy ny fahatsiarovana ny nitsanganany tamin’ny maty! Fantatrao ve ilay sarimihetsika “Risen”?

Io sarimihetsika io dia mitantara ny amin’ny miaramila romana iray voatendry hanadihady mikasika ny nanjavonan’ny Mesia. Foana ny fasana, ary nandeha nitady fanazavana misy lojika ny manam-pahefana romana. Izy ireo dia nino fa nisy nangalatra ny razana ary tsy mety nino hoe efa nitsangan-ko velona Kristy araka izay efa nambaran’I Jesosy sy ny mpianany. Manasa anao aho hijery izany sy izay hiafarany…

Tena nanohina ahy io sarimihetsika io. Nieritreritra ny tenako niaraka tamin’ny mpianatra aho, niara-dia tamin’I Kristy taorian’ny nahafatesany sy ny nitsanganany tamin’ny maty. Fotoana niavaka tokoa izany! Tiako raha mba tamin’izany fotoana izany koa aho...

Amin’izao herinandron’ny Paska izao, tsy misy tsara tahaka ny fahatsiarovana fa eto Jesosy, mbola velona sy mahery ankehitriny!

Raha tao am-pasana ny Mpamonjy antsika ary toa tapitra ny zava-drehetra, dia tsy mbola nilaza ny teniny farany Andriamanitra…

Jesosy irery ihany no mahavita manova fiainana... satria Izy « dia nalevina, ary natsangana tamin'ny andro fahatelo araka ny Soratra Masina » (jereo I Korintiana 15 : 4) Izy dia manafaka anao :

Amin'ny tebiteby ho amin'ny fiadanana

Amin’ny fiankinan-doha ho amin'ny fahafahana

Avy amin’ny fanilihana ho amin’ny fitiavana

Avy amin'ny fahaketrahana ho amin'ny fifaliam-piainana

Avy amin’ny haizina ho amin’ny mazava.

Eto Jesosy hanova anao, ianao koa, amin'ny alalan'ity fahagagana fitsanganana amin'ny maty ity. Avelao Izy hanasitrana ny vatanao, hamerina sy hanavao ny fanahinao. Tia anao Izy!

Mirary tontolo andro mahafinaritra hatrany!

Misaotra fa misy ianao!

Éric Célérier