Henony avokoa ny vavakao rehetra!

Nampahatsiahy aho omaly hoe Jesosy dia nifidy ny lalan’ny Hazofijaliany noho ny fitiavany anao… Mandritra ny androm-piainantsika dia tsy maintsy hizaka ny ampahany amin’ny efa niainan’ny Mpamonjy isika… Na dia manandratra ny vavaka aza isika, manankina izany aminy, dia toa misy tsy reny ny sasany…

Mampahatsiaro ahy an’ilay tavoahangy asiana hafatra alefa an-dranomasina izany… Hafiriana no hahatongavany, firy kilometatra no hodiaviny, alohan’ny ahatongavany eo an-tanan’olona tsara sitrapo?

Inona avy no tavoahangy efa « nalefanao an-dranomasina » ? Efa oviana izay?

Ny anao angamba dia natao ho an'ny vadinao na zanaka nandrasana efa... ela loatra? Na manasitrana aretina tsy azo sitranina? Fiovan'ny fomba fiaina na fiovan-dalana miadam-pandroso? Na mety ho tetikasa hanampiana ireo voahitsakitsaka na voahilikilika ?

Na inona na inona « hafatra » nalefanao tamin’Andriamanitra, tsy misy na dia iray aza ho very. Ho tonga amin’ny fotoanany avokoa ireny !

Mihaino ny vavaka tsirairay ataonao Izy. (jereo Ohabolana 15 : 29)

Maheno ny antsonao Izy. (jereo Salamo 116 : 1 - 2)

Mampitodika ny fony aminao Izy (jereo Salamo 40 : 2)

Mahakasika Azy ny fahorianao (jereo Salamo 18 : 7)

Malahelo amin’ny ranomasonao Izy. (jereo Salamo 6 : 8)

Eny, ny mivavaka dia tombontsoa hamafazana teny any amin’ny mandrakizay! Fanomezam-pahasoavana ihany koa ny mizara izay mampahory anao sy mampalahelo anao ary mampanahy anao amin’Ilay mahafantatra ny zava-drehetra sy mahalala ny zava-drehetra. Rehefa manokatra ny fonao amin’Andriamanitra ianao dia avelanao hifoka rivotra ao aminao amin’ny alalan’ny Fanahiny Izy.

Mamporisika anao aho hiresaka amin’Andriamanitra isan’andro, tsy misy ahiahy na fiafahafana, fa matoky tanteraka fa mihaino anao Izy. Rainao Izy ary tena mifantoka tanteraka ny amin’izay hiainanao rehetra!

Hofaranantsika amin’izao vavaka izao… « Tompo ô, indraindray toa maharitra ela be ny valim-bavaka ary mitady hanahy aho sao tsy renao ny vavako. Mifona Aminao aho ary ampianaro mba hahay haharitra sy hatoky. Fantatro fa tsy mba tara na aloha mihitsy Ianao fa mari-potoana tsara hamaly ahy. Misaotra noho ny fahasoavanao sy ny fitiavanao. Amin’ny Anaranao, Amen. »

Mahareta amin’ny fivavahana. Manana ny vahaolana amin’ny olanao rehetra Andriamanitra !

Mirary tontolo andro mahafinatra, mihainoa mandrakariva ny Mpamonjy!

Misaotra fa misy ianao!

Éric Célérier