Manana ny zavatra rehetra ianao ao amin’I Kristy

Isan-taona dia mankalaza ny Paska ho fahatsiarovana ny nitsanganan’I Kristy tamin’ny maty ny Kristianina. Ankoatra io fomban-drazana jiosy-kristiana io, dia lazaina amintsika ny tantaram-pitiavana mahafinaritra indrindra izay nitarika an'Andriamanitra hanakalo ny ain'I Jesosy Zanany lahitokana ho antsika.

Ny Baiboly dia milaza amintsika izay niaretan’I Jesosy mba hamonjena antsika : «Nefa Izy dia voalefona noho ny fahadisoantsika sy notorotoroina noho ny helotsika, ny fampijaliana nahazoantsika fihavanana no namelezana Azy; ary ny dian-kapoka taminy no nahasitranana antsika.Isika rehetra dia samy efa nania tahaka ny ondry, samy efa nivily ho amin'ny lalantsika avy isika rehetra; ary nataon'i Jehovah nihatra taminy avokoa ny helotsika rehetra. Nampahorina Izy, nefa nanetry tena ka tsy niloa-bava, dia tahaka ny zanak'ondry entina hovonoina, sy tahaka ny ondrivavy izay moana eo anatrehan'ny mpanety azy, eny, tsy niloa-bava Izy. » (jereo Isaia 53 : 4 - 7)

Angamba ianao mazàna mandà ny fahasoavan’Andriamanitra amin’ny tenanao... Raha izany no izy, dia tsarovy fa noho I Jesosy nankatò, hatramin’ny nahafatesany teo amin’ny hazo fijaliana, ary nidina tany amin’ny helo talohan’ny nitsanganany tamin’ny maty tamin’ny andro fahatelo, no nahazoanao fahafahana tsy manam-petra ho amin’ny Ray!

Aoka ho feno fifaliana ianao, hevero izay rehetra nataon’I Jesosy ho anao, ho ahy!

Niaina ny fanalam-baraka lehibe indrindra Izy mba hahafahanao mitraka indray. (Jereo Isaia 53 : 3 - 10).

Nopotehiny ny herin’ny ota: afaka amin’ny fanandevozana ianao ary afaka mahazo ny famonjena. (Jereo Jaona 8 : 36).

Nisaraka tamin’ny Rainy Izy mba hampihavana anao amin’ny Mpahary anao. (Jereo Hebreo 10 : 19 - 22).

Nandresy ny fahafatesana Izy mba hanome anao ny fiainana mandrakizay. (Jereo Romana 6 : 23).

Manana ny zavatra rehetra ianao ao amin’I Kristy: fiadanana, fahafahana, famelan-keloka, fandresena ary fiainana mandrakizay!

Manasa anao aho hankalaza ny fitsanganan'I Jesosy tamin'ny maty, tsy amin'ny Paska na alahady sasany ihany, fa isan'andro! Misaora Azy noho izay rehetra niaretany noho ny fitiavany anao, mba hanananao fiainana be dia be. (Jereo Jaona 10 : 10).

Andeha isika hidera an’Andriamanitra noho io fifanakalozam-panahy mahatalanjona sy manome aina io... “Rainay ô, tsy haiko ny tsy hisaotra Anao noho izao fanomezana tsy manam-paharoa izao, dia ny nanomezanao ny ain’I Jesosy Zanakao hamonjy ny ahy? Izaho kosa dia te-hanome anao ny fiainako sy hanaraka anao. Te haneho ny fankasitrahako feno anao aho. Fa Anao ny fanjakana sy ny hery ary ny voninahitra mandrakizay. Amen!"

Hiaino tanteraka ny fiainanao!

Misaotra fa misy ianao!

Éric Célérier

Fanamarihana :

Ny lahatsoratra amin'ity vakiteny ity dia avy ao amin'ny mailaka isan'andro Fahagaga isan’andro. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro