Hoy Jesosy aminao hoe: Manaraha Ahy!Santionany

Andro faha-7: Avelao ny haratonao taloha ary safidio Izy!

Manahoana ianao ry namako,

Mazava fa ny lasantsika dia afaka manakana antsika tsy hahita ilay vaovao izay nomen’Andriamanitra antsika. Afaka mijanona ho gadra noho ny tsy fahombiazantsika mihitsy aza isika, eny fa na dia ny fandresentsika taloha aza.

Mahafinaritra ny fiainana miaraka amin'i Jesosy! Fihetseham-po tsy mitsaha-mitombo izany, arahin’ny feon’ny Fanahy Masina izay mampahatsiahy antsika izay lazain’i Jessya amintsika isan’andro. Hoy Izy amintsika hoe: “Manaraha Ahy”.

Mahafinaritra ahy ity andian-tSoratra Masina ity : «Ary nony nitsangantsangana teny amoron'ny Ranomasin'i Galilia Jesosy, dia nahita olona mirahalahy, dia Simona, izay atao hoe Petera, sy Andrea rahalahiny, nanarato teny amin'ny ranomasina; fa mpanarato izy. Dia hoy Jesosy taminy: Andeha hanaraka Ahy, fa hataoko mpanarato olona ianareo.» (Matio 4:18-19)

Rehefa manaraka an'i Jesosy ianao dia manaiky ny fiainana vaovao nomaniny ho anao...indrindra raha manaiky hiala amin'ny haratonao taloha ianao.

Ry namako, manasa anao aho haka fotoana, mba hampanginana ny feo rehetra izay mety hoe fanelingelenana fotsiny! Henonao ve i Jesosy Kristy milaza aminao hoe: “Manaraha Ahy, dia homeko anao ny tena anto-pisianao”?

Miomàna ianao handre ny feon’ilay Mpiandry izay mahafantatra tsara ny toerana hitondrana anao. Fantany tsara izay ilainao indrindra. Miezaha ho tsotra! Miezaha hanetry tena! Katsaho ny hiala amin’ny haratonao taloha, izany hoe izay rehetra mety hanakana anao tsy hanao izay tian’Andriamanitra hataonao. Mivavaka ho anao isan'andro aho. Afaka matoky ny fanelanelanako ianao. Fantatry ny Mpiandry tsara izay tokony hotadiavinao.

Arahabaina, tonga eto ampamaranana an’ito planina ito ianao. Manantena aho fa nahazo fitahiana sy fanamby isan'andro ianaotamin'ny fisaintsainana nataonao.

Andao hitia ny olona mandra-panontaniany tena hoe nahoana, ary indrindra rehefa avy eo.

Raha maniry ny hahazo fampaherezana isan’andro ianao, dia manasa anao aho hisoratra anarana ao amin’ny Fahagagana isan’andro.

Eric Célérier