Hoy Jesosy aminao hoe: Manaraha Ahy!Santionany

Andro faha-4: Mandehana amin'ny zotra mifanohitra ny riaka!

Manahoana ianao ry namako,

Tsy misy olona tia resy izany. Fa samy tia sy maniry ny handroso, na ny hahomby, na ny mangataka amin'Andriamanitra "bebe kokoa"! Jesosy Kristy no Ilay manolotra fiainana tsy misy tambiny ho antsika! Izy irery ihany no afaka mitondra antsika ho amin’ny tena “fahombiazana” araka ny sitrapony.

Ry namako, maharitra mandrakizay ny “fahombiazana” omen’Andriamanitra antsika.

Rehefa naka fanahy an’i Jesosy ny devoly, dia natolony Azy ny fanjakana rehetra amin’izao tontolo izao. Efa miorim-paka eo amin’ny fiainantsika tokoa io toe-tsaina “maniry bebe kokoa hatrany” io, ary indrisy fa tonga hatrany amin’ny Fiangonana mihitsy aza.

Manasa anao ary aho, “tsy hanaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina” (Romana 12:2)

Ao amin’ny Matio 16:24-25, “Hoy Jesosy tamin'ny mpianany: Raha misy olona ta-hanaraka Ahy, aoka izy handà ny tenany sy hitondra ny hazo fijaliany ka hanaraka Ahy. Fa na iza na iza no ta-hamonjy ny ainy, dia hahavery azy; ary na iza na iza no hahavery ny ainy noho ny amiko, dia hahazo izany.”

Rehefa miteny amintsika i Jesosy hoe: “Manaraha Ahy”, dia tena mamporisika antsika handeha amin’ny làlana mifanohitra ny lalan’izao tontolo izao Izy.

Mamelatra ny Tanany ho anao tahaka ny efafanaony isan'andro i Kristy! Raha handeha hanohitra ny lalan’izao tontolo izao ianao dia tsy maintsy mandà ny hiaina tahaka ny olon-drehetra ary misafidy ny hiaina amin'ny fiankinana tanteraka amin'ny Fanahy Masina. Tsy mora ary tsy mankaleo ny fiainana miaraka amin’Andriamanitra. Manentana sy mampahery azaizany! Koa asandrato ny lohanao, ry namako, ka henoy i Kristy miteny aminao hoe: “Araho aho, ary andeha isika hiara-mandeha hanohitra ny riaka”.

Andao hitia ny olona mandra-panontaniany tena hoe nahoana, ary indrindra rehefa avy eo.