Hoy Jesosy aminao hoe: Manaraha Ahy!Santionany

Andro faha-6: Miomana handray voninahitra!

Manahoana ianao ry namako,

Manana tombotsoa aho nahalala lehilahy sy vehivavy izay malaza amin’ny fahaiza-manaony.

Indray andro, hoy aho anakampo hoe: “Endrey izany fiainana ! Tena nanamarika tantara ireo olona ireo!» Rehefa nisaina izany aho dia nandre ny feo malefaky ny Mpampianatra milaza amiko hoe: «Aza mihazakazaka amin’ny voninahitra omen’ny olona fa katsaho izay hahafaly ny Raiko».

Ry namako, ny fandraisana ny voninahitra avy amin'ny olona dia mitondra ny anjarany fampaherezana, nefa tsy misy na dia iray aza amin’izy ireo afaka mampahatanjaka antsika rehefa mandeha ny fotoana.

Misy fironana vohizina amin’izao andro ankehitriny izao izay mitaona antsika hino fa raha eken’ny rehetra isika dia ho re ny hafatra entintsika. Raha marina fa tsy maintsy mifanaraka amin’ny fihetsika ataontsika ny hafatra entintsika, dia tokony hitandrina isika ny mba tsy ho latsaka ao anatin’ny fandriky ny faniriana hampifaly ny olona, ​​alohan’ny hiezahana hampifaly an’Andriamanitra! (Lioka 6 :26)

Hoy Jesosy : «Raha misy olona manompo Ahy, dia aoka izy hanaraka Ahy, ary izay itoerako, dia ao koa no hitoeran'ny mpanompoko; raha misy olona manompo Ahy, dia hankalaza azy ny Ray.» (Jaona 12 :26)

Ny fanarahana an’i Jesosy dia ny mikatsaka ny hanahaka Azy sy manambara ny Filazantsarany. Araky ny Teniny dia tsy maintsy misy fanenjehana izany. Kanefa aoka tsy hohadinointsika fa rehefa mankatò ny sitrapon’ Andriamanitra isika dia mametraka ny tenantsika mba handray ny voninahitry ny Ray any an-danitra.

Manasa anao aho hiara-hivavaka amiko : « Tompo o, ampianaro aho hanahaka Anao !

Aoka ny Fanahinao Masina hikasika ahy sy hanambara amiko ny Teninao, mba hahafahako hampihatra izany. Tsy mitady voninahitra amin’ny olona aho fa te hanome voninahitra anao amin’ny zavatra rehetra. Jesosy o, te hanaraka Anao aho. Amen»

Andao hitia ny olona mandra-panontaniany tena hoe nahoana, ary indrindra rehefa avy eo.