Hoy Jesosy aminao hoe: Manaraha Ahy!Santionany

Andro faha-5: Matokia an'Ilay Andriamanitra tokana!

Manahoana ianao ry namako,

Manavao ny fahatsarany sy ny famindram-pony amintsika isan'andro Andriamanitra.

Ry namako, asaina manokana ianao hanatona amim-pahasahiana eo amin’ny seza fiandrianan’ny fahasoavana mba hahazoanao famindram-po sy hahitanao fahasoavana, ary hanampy amin’izay rehetra ilainao. (Hebreo 4:16) Tsy mahatsiaro feno fankasitrahana an’izany ve ianao noho ny amin’izany?

Ny fanarahana an’i Jesosy dia midika fa misafidy ny hiankina Aminy, amin’ny zavatra rehetra sy amin’ny lafiny rehetra.

“Hoy Jesosy taminy: Raha tia ho tanteraka ianao, mandehana, amidio ny fanananao, ka omeo ny malahelo, dia hanana rakitra any an-danitra ianao; ary avia hanaraka Ahy.” (Matio 19:21-22)

Rehefa mamaky ireo andininy ireo aho dia mitaraina amin’Andriamanitra manao hoe: “Tompo ô, ampio aho! Ampio aho tsy hiankin-doha amin’ireo zavatra Omenao ahy na ireo izay heritreretiko faananako.”

Ny vaovao mahafaly dia ny hoe fantatr’i Jesosy fa sarotra amintsika ny mamela ireo zavatra tokony avelantsika ary matetika ny maha-olombelona antsika mihitsy aza no manakana antsika amin’izany. Koa aza kivy ry namako! Mifantoha amin’ilay Mpanjaka tia anao hatrany.

Mivavaha miaraka amiko: "Tompo ô, te hianatra hatoky Anao aho rehefa mandalo fahoriana. Tsy mitady ny sitrapoko aho, fa ny Anao. Te hianatra hatoky Anao aho izao sy amin'ny zavatra rehetra! "Mandà ny fahaleovan-tena ao am-poko aho. Jesosy ô, mangataka Aminao aho, ampianaro aho hihaino Anao. Asehoy ahy ny planinao ho an’ity andro ity, ho an’ity herinandro ity, ho an’ity volana ity ary ho an’ny andro sisa hiainako. Amen.”

Andao hitia ny olona mandra-panontaniany tena hoe nahoana, ary indrindra rehefa avy eo.