Miaina Fiovana: Mandritry ny KrismasySantionany

Fiadanana

Rehefa mieritreritra ny vanim-potoanan’ny krismasy ianao, dia inona ny fihetsem-ponao? Mety hoe tsy andrinao mihitsy na tena velom-panantenana sy fifaliana be ianao. Na mety ho toa ny maro an’isa, mahatsiaro ho vizaka, reraka, sy feno zavatra enjehina be ianao. Na dia efa toa tsy mahagaga intsony aza ny fahatsapana fanahiana amin’izao fotoanan’ny fety izao, dia ny irian’Andriamanitra ho antsika nefa dia fiadanana.

Talohan’ny nahafatesany sy nitsanganany tamin’ny maty, dia nampanantena antsika fiadanana i Jesoa. Ny olana dia mbola betsaka amintsika no tsy mbola mahay ny fomba isitrahana an’izany amin’ny andavanandrom-piainantsika. Fantatsika fa tokony hanolotra ireo ahiahintsika amin’Andriamanitra isika, saingy mora am-pitenenana fa sarotra am-panaovana izany–indrindra indrindra amin’ireo ahiahintsika izay tena goavana. Noho ny antony samihafa, dia arakaraky ny maha-mavesatra ny entana, no vao maika isika miezaka milanja azy irery. Soa ihany, fa nanolotra antsika torohevitra ny amin’ny fomba hanomezana ny entantsika amin’Andriamanitra i Paoly ao amin’ny epistily nosoratany ho an’ny Filipiana:

Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.

​​Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona mahate-ho-tia, na inona na inona tsara laza, raha misy hatsaram-panahy, ary raha misy dera, dia hevero izany. Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Izany no milaza fa ny fomba anakalozana ny ahiahintsika ho fiadanana dia amin’ny alalan’ny vavaka. Indrindra indrindra, amin’ny alalan’ny vavaka fangatahana sy fisaorana. Midika izany fa rehefa manatona an’Andriamanitra isika dia tokony hangataka am-panetren-tena izay ilaintsika no sady misaotra Azy ny amin’izay efa nomeny antsika. Fa tsy mijanona eo nefa isika. Rehefa manala ny ahiahy amin’ny eritrerintsika isika, dia mameno azy amin’ny zavatr’Andriamanitra. Rehefa mivavaka toa izany isika dia mety tsy azontsika ilay valim-bavaka izay tena nendrasantsika, fa mino nefa isika fa mahatoky Andriamanitra hanome antsika fiadanana.

Na inona na inona lalovanao amin’izao fotoana izao, dia natao ho anao izao fizarana izao. Hoy izy hoe aza manana ahiahy na amin’ny inona na amin’ny inona. ”Na amin’ny inona na amin’ny inona.” Tafiditra ao anatin’izany ireo toe-javatra rehetra manoloana anao amin’izao fotoana izao. Raha mandalo fotoan-tsarotra ny fanambadianao, dia aza manahy na amin’ny inona na amin’ny inona. Raha tsy manana fahafahana hividy fanomezana ianao amin’ity taona ity, dia aza manahy na amin’ny na amin’ny inona. Raha miandry valim-panadinana ianao, dia aza manahy na amin’ny inona na amin’ny inona. Tafiditra ao anatin’izany daholo na ny enjikenjika rehetra mandritra ny fotoanan’ny fety, na ny ahiahy na izay mety ho fandratrana.

Tian’Andriamanitra alaina daholo izay singan’ahiahy rehetra any aminao ary hanome fiadanana ho anao Izy. Tsy indray andro any amin’ny mbola ho avy, fa amin’izao anio izao. Resaho fotsiny Izy. Raha tsy hainao hoe aiza no atomboka, dia atomboy amin’ny fisaorana an’Andriamanitra ny amin’ny nanomezany an’i Jesoa sy ny asam-pamonjeny; ny amin’ny nijanonany teo anilanao hatrany sy ny nitiavany anao na inona na inona nitranga. Misaora Azy ny amin’ny famatsiana, ny fiarovany sy ireo zava-tsoa rehetra amin’ny fiainanao. Rehefa mankalaza an’Andriamanitra ianao, dia manana fahefana hanova ny fomba fijerinao izany. Izany no fomba ahafahanao misitraka fiadanana na dia eo afovoan’ny korontana aza.

Amin’izao krismasy izao, dia misafidiana ny hanana fijery mitodika any amin’ny mandrakizay. Tsarovy ny faminaniana izay tanteraka tamin’ny nahaterahan’i Jesoa ary aoka hameno fanantenana anao ny fahatokiana an’Andriamanitra. Raiso ny fiadin’Andriamanitra isan’andro ary avelao ny Heriny hiaro anao amin’ny fanafihan’ny fahavalo. Mijereva mihoatra ny amin’izay zava-miseho izay mandalo amin’izao anio izao ary mahità fifaliana maharitra am-pahalalana fa efa azo antoka tsara ny mandrakizay anao. Omeo an’Andriamanitra ny ahiahinao ary mahatokia Azy hiaro ny fonao sy ny eritreritrao amin’ny fiadanana. Afaka ny hiaina amin’ny fomba hafa an’izao fotoanan’ny fety izao isika raha mifantoka amin’ny maha-Andriamanitra Azy, ny Teny Fikasany, ary ny ho avy.

Mivavaka izahay mba ho ampiasain’Andriamanitra hikasika ny fonao izao planina izao.
Jereo ireo planina hafa mikasika ny Fiovam-piainana
Mijereva misimisy kokoa mikasika ny ministera “Changed Women”