Miaina Fiovana: Mandritry ny KrismasySantionany

Fiandrasana

Henika hafaliana sy haravoana  tokoa ny tontolo rehefa tonga ny fotoanan’ny fialan-tsasatra. Betsaka ny zavatra antenaina hiseho miaraka amin’ireo jiro krismasy miredareda, fifanolorana fanomezana, fihaonan’ny fianakaviana, sy ireo sakafo matsiro izay amin’io fotoana io ihany no ihinana azy. Sady miandry no be fanantenana tokoa ny tontolo manodidina rehefa miomana amin’izay fankalazana ny fahaterahan’i Jesoa izay.

Nisy an’izay fiandrasana izay ihany koa teo amin’ny vahoaka Jiosy tamin’i Jesoa teraka. Niandry ny fahatongavan’ny Mesia izay ho tonga sy hamonjy azy ireo izy ireo. Nandritry ny taonjato maro dia niteny tamin’izy ireo Andriamanitra ny amin’ny Fikasany ny hamonjy azy ireo ary izany dia hanomboka amin’ny fotoana izay hananan’ny virijiny anaka.

700 taona mialohan’ny nahaterahan’i Jesoa dia niteny tamin’ny alalan’ny mpaminany Isaia i Andriamanitra nilaza hoe: “Ary noho izany dia ny Tompo no hanome famantarana ho anareo: Indro, hanan'anaka ny virijiny ka hiteraka zazalahy; Ary ny anarany hataony hoe Imanoela.”

Fotoana fohy mialohan’ny nahaterahan’i Jesoa dia niverina indray ireo teny nolazain’ny mpaminany ireo. Nisy anjely niseho tamin’i Josefa, rain’i Jesoa teto an-tany, tamin’ny nofy, izay nilaza taminy hoe:

“Hiteraka Zazalahy izy (Maria), ary ny anarany hataonao hoe Jesosy; fa Izy no hamonjy ny olony ho afaka amin’ny fahotany.”

Ary izany rehetra izany dia tonga mba hahatanteraka izay nampilazain’ny Tompo ny mpaminany hoe: “Indro, ny virijiny hitoe-jaza ka hiteraka zazalahy; Ary ny anarany hataon’ny olona hoe Imanoela’’ (izany hoe, raha adika: ‘’Amintsika Andriamanitra’’).

Ohatra iray ny amin’ireo faminaniana izay tanteraka tamin’ny alalan’ny fahaterahan’i Jesoa ihany izany. Avy eo dia mbola nanambara faminaniana maro tamin’ny vahoaka ny amin’ny zavatra ho avy ihany koa i Jesoa nandritra ny ministerany teto an-tany. Nilaza Izy fa hitsangana amin’ny maty ary handresy ny fahotana. Nilaza Izy fa haniraka ny Fanahy Masina izay hanampy sy hitarika azy ireo. Nilaza Izy fa handeha hanamboatra fitoerana ho azy ireo ary mbola hiverina indray andro any. Ary satria Andriamanitra nitana ny Teny Fikasany fa handefa Mpamonjy, dia mino ireo Fampanantenany izay mbola ho avy ny olony.

Tsy misy lany daty ireny teny fikasany ireny na iray aza. Mbola marina amintsika avokoa izy ireny ankehitriny! Izay no mahatonga antsika afaka ny mibanjina ny fahaterahan’i Jesoa ary mahalala ireo fampanantenana izay efa voavaly sy izay mbola ho avy. Toy ny niandrasan’ny vahoaka Jiosy ny fahatongavan’ny Mpamonjy no iandrasantsika ny Fiverenany araka ny fampanantenany.

Rehefa mamakivaky izao fotoanan’ny fialan-tsasatra izao ianao dia manana finoana fa marina sy azo itokiana ny Teny Fikasan’Andriamanitra. Tsy hoe ho an’ny olon-kafa ihany fa ho anao indrindra indrindra ihany koa. Rehefa mandalo fotoan-tsarotra ianao dia misafidiana ny hifantoka amin’ny maha-Andriamanitra Azy sy ireo rehetra izay efa nataony tamin’ny fiainanao. Rehefa mibanjina ny mandrakizay ianao dia afaka mamakivaky ny fotoanan’ny fialan-tsasatra amin’ny fanantenana na dia manoloana ny fisehoan-javatra mahakivy aza, finoana anatin’ny fisedrana, fifaliana manoloana ny zava-misy, ary fiadanana anatin’ny korontana.