ទាញយកកម្មវិធី#JESUS2020 - ពេលវេលាប្រចាំថ្ងៃជាមួយព្រះជាម្ចាស់គំរូ
ដួងចិត្តនៃការចែកចាយដំណឹងល្អ ត្រូវគេចោទប្រកាន់ជារឿងអាស្រូវមួយ។ យើងអាចឃើញបានដោយសារបុរសដែលគ្មានកំហុសម្នាក់ត្រូវគេធ្វើទារុណកម្ម សូម្បីតែខ្លួនមិនបានប្រព្រឹត្តកំហុសឆ្គងសោះ។ ការទាំងនេះបានកើតឡើងទៅលើព្រះយេស៊ូ ទ្រង់ត្រូវបានគេ ខាក ស្តោះដាក់ សើចចម្អក វាយដំ និងធ្វើទារុណកម្មរហូតដល់សុគត។ ទ្រង់គ្មានទោសទាល់តែសោះ ត្រូវរងទុក្ខដោយអំពើឃោឃៅ និងត្រូវបានចោទប្រកាន់ជាអំពើឧក្រិដ្ឋកម្មដ៏អាក្រក់បំផុត។
ទោះបីជាយ៉ាងណា នៅក្នុងការចោទប្រកាន់នេះ គឺព្រះជាម្ចាស់បានបើកបង្ហាញភាពយុត្តិធម៌និងក្តីស្រលាញ់របស់ទ្រង់។
“ព្រះគ្រិស្ដគ្មានបាបទាល់តែសោះ តែព្រះជាម្ចាស់បានធ្វើឲ្យព្រះអង្គទៅជាតួបាបសម្រាប់យើង ដើម្បីប្រោសយើងឲ្យសុចរិតរួមជាមួយព្រះគ្រិស្ដដែរ។ ២ កូរិនថូស ៥:២១
ដើម្បីជម្រះចិត្តគំនិត លាងសម្អាតកំហុសយើង និងសង្រ្គោះយើងពីកំដាប់ដៃរបស់អារក្ស ព្រះបិតាបានបញ្ចូនរបស់ដ៏មានតម្លៃរបស់ទ្រង់ គឺជីវិតរបស់ព្រះបុត្រាផ្ទាល់។ ហើយព្រះបុត្រាបានផ្តល់ដង្វាយដ៏មិនអាចកាត់ថ្លៃបានគឺជីវិតទ្រង់ផ្ទាល់។
ការលះបង់របស់ព្រះយេស៊ូគ្រិស្តធ្វើអោយការបូជាផ្សេងៗត្រូវបានបញ្ចប់។
គ្មានដង្វាយណាដែលអាចប្រៀបដូចបានឡើយ! ហើយគ្មានដង្វាយណាដែលយើងផ្តល់ឲ្យ មានតម្លៃស្មើនឹងតម្លៃនៃលោហិតនេះឡើយ។ ដូចទ្រង់បានមានបន្ទូលដូច្នេះ «ខ្ញុំបានសម្រេចសព្វគ្រប់អស់ហើយ!»យ៉ូហាន ១៩:៣០
ចំពោះបងប្អូនវិញ ពីដើម បងប្អូននៅខាងក្រៅប្រជារាស្ដ្ររបស់ព្រះជាម្ចាស់ ហើយជាសត្រូវនឹងព្រះអង្គ ព្រោះតែគំនិត និងអំពើអាក្រក់របស់បងប្អូន។ ប៉ុន្តែឥឡូវនេះ ព្រះអង្គបានសម្រុះសម្រួលបងប្អូនឲ្យជានានឹងព្រះអង្គវិញ ដោយព្រះបុត្រា ដែលកើតមកជាមនុស្សបានសោយទិវង្គត ដើម្បីឲ្យបងប្អូនបានវិសុទ្ធ ឥតសៅហ្មង ឥតកំហុស និងអាចឈរនៅចំពោះព្រះភ័ក្ត្ររបស់ព្រះអង្គ។ កូឡូស ១:២១-២២
តើពេលខ្លះ អ្នកដែលសាកល្បងដាក់អ្វីបន្ថែមលើអ្វីដែលព្រះយេស៊ូបានសម្រេច
រួចហើយដើម្បីទទួលបានក្តីស្រលាញ់របស់ទ្រង់ដែរទេ? តើអ្នកមានកត់សម្គាល់ទេថា ការសាកល្បងដើម្បីទទួលបានក្តីស្រលាញ់និងការអត់ទោសនោះវាឥតប្រយោជន៍សោះ ព្រោះថាទ្រង់បានធ្វើឲ្យអ្នកបរិសុទ្ធនិងសុច្ចរិតដោយក្តីជំនឿរួចហើយនោះ?
ប្រសិនបើយើងពោលថា យើងគ្មានបាបសោះ នោះយើងបញ្ឆោតខ្លួនឯង… ប៉ុន្តែ បើយើងទទួលសារភាពអំពើបាបរបស់យើង នោះព្រះជាម្ចាស់ដែលមានព្រះហឫទ័យស្មោះស្ម័គ្រ និងសុចរិតព្រះអង្គនឹងអត់ទោសយើងឲ្យរួចពីបាប ព្រមទាំងជម្រះយើងឲ្យបរិសុទ្ធ រួចពីគ្រប់អំពើទុច្ចរិតទាំងអស់ផង។ ១ យ៉ូហាន ១:៨-៩
ការអនុវត្ត
សូមចំណាយពេលដើម្បីអរគុណព្រះជាម្ចាស់ សម្រាប់ការដូដ៏អស្ចារ្យ ដែលព្រះអង្គបានប្រទានមកតាមរយៈព្រះបុត្រារបស់ទ្រង់។
Ruben Binyet, ICF Geneva
អត្ថបទគម្ពីរ
អំពីគម្រោងអាននេះ
ក្នុងអំឡុងពេលសប្តាហ៍មុនពេលបុណ្យរំឭកថ្ងៃដែលព្រះយេស៊ូគ្រិស្តរស់ឡើងវិញ យើងចង់ស្វែងយល់ឲ្យកាន់តែជ្រាលជ្រៅអំពីព្រឹត្តិការណ៍ដ៏សំខាន់នៃជំនឿរបស់យើង ស្គាល់ព្រះយេស៊ូវឲ្យកាន់តែច្បាស់ និងបទពិសោធន៍ពីរបៀបនៃការប្រព្រឹត្ដដោយសេចក្ដីស្រឡាញ់របស់ទ្រង់នៅលើឈើឆ្កាងដែលអាចផ្លាស់ប្តូរជីវិតរបស់យើងជារៀងរហូត។
More
យើងសូមថ្លែងអំណរគុណចំពោះព្រះវិហារអាយស៊ីអាយអេហ្វអេដែលបានផ្តល់ផែនការនេះ។ សម្រាប់ព័ត៌មានបន្ថែមសូមទស្សនា៖ http://www.icf.church/jesus
