#JESUS2019 - ពេលវេលាប្រចាំថ្ងៃជាមួយព្រះគំរូ

ឡាសារ បានស្លាប់ហើយ!  ជាដំណឹងដ៏សោកសៅ ក្រុមគ្រួសាររបស់គាត់និងមិត្តរបស់គាត់ពិតជាក្រៀមក្រំ និងសោកស្ដាយណាស់។  ហេតុអ្វីបានជាព្រះជាម្ចាស់ ឲ្យការនេះកើតឡើង? 

ហេតុអ្វីបានជាទ្រង់ មិនធ្វើអ្វីទាល់តែសោះ? ពួកគេបានអធិស្ឋានយ៉ាងមុតមាំថាទ្រង់នឹងព្យាបាលគាត់។ 

ហេតុអ្វីបានជាទ្រង់មិនយាងមក? ឥឡូវនេះ វាបានចប់ហើយ។ វាយឺតពេលក្នុងការធ្វើអ្វី ទាំងអស់។ ឥឡូវនេះសូម្បីតែព្រះក៏មិនអាចធ្វើអ្វីបានដែរ។ 

ឈប់សិន!ភាពជាក់ស្ដែងគឺនាងម៉ាថា បានដើរមុនគេមួយជំហានទៅហើយ។ គ្មានអ្វីដែលមិនអាចទៅរួចសម្រាប់ព្រះយេស៊ូនោះទេ។ តើយើងមានដឹងដែរទេ? សមត្ថភាពរបស់ព្រះជាម្ចាស់ហួសពីការស្រមើស្រមៃរបស់យើង។ តើនរណាអាចរំពឹងគិតថាព្រះជាម្ចាស់និងដោះស្រាយស្ថានភាពនេះដោយឲ្យលោកឡាសារ

រស់ឡើងវិញ?

ប្រសិនបើយើងនិយាយអោយស្មោះត្រង់ទៅ  យើងប្រហែលជាបោះបង់ក្តីសង្ឃឹមមុន ឬ និងក្រោយជាមិនខាន។ គឺគ្មានអ្វីសេសសល់ សួរថាតើព្រះបានធ្វើអ្វី? ទ្រង់មិនបានអស់សង្ឃឹមឡើយនៅពេលដែលឡាសារស្លាប់ នេះជាគម្រោងការរបស់ទ្រង់។ 

ទ្រង់ជ្រាបថា ឡាសារ នឹងរស់ឡើងវិញ។ បើតាមគំនិតរបស់យើងការអស្ចារ្យ  នេះពិតជាមិនគួរឲ្យជឿ ប៉ុន្តែសម្រាប់ព្រះវាគ្រាន់តែជាគម្រោងការមួយរបស់ទ្រង់តែប៉ុណ្ណោះ ។

ខ្ញុំដឹងថាវាពិបាកប៉ុណ្ណា ក្នុងការជឿទៅលើអ្វីមួយដែលរាងកាយរបស់យើងធ្វើមិនបាន វាគឺមិនអាចទៅរួច ប៉ុន្តែយើងត្រូវចងចាំថា ព្រះរបស់យើងជានរណា ប្រៀបទៅនឹងស្ថានភាពដែលយើងគិតថាគ្មានសង្ឃឹម។

ទ្រង់ជាអ្នកបង្កើតសាកលលោកទាំងមូល។ ទ្រង់បានផ្ដល់ជីវិតមកកាន់យើងហើយអាចដកយកទៅវិញគ្រប់ពេលវេលា។ ទ្រង់ជាព្រះតែមួយដែលព្យាបាលជំងឺនឹងយកឈ្នះលើសេចក្តីស្លាប់។ ប្រសិនបើមាននរណាម្នាក់អាចធ្វើដូចជាទ្រង់បាន ម្នាក់នោះគឺជាព្រះ។

ការអនុវត្ត:

ប្រសិនបើអ្នកស្ថិតនៅក្នុងស្ថានភាព ដែលមើលទៅដូចជាគ្មានសង្ឃឹមសម្រាប់អ្នក សូមសួរខ្លួនឯងថាតើមានមធ្យោបាយឬដំណោះស្រាយណាមួយដែលអ្នកមើលមិនឃើញដែរទេ។ 

ចូរសម្រេចត្តនៅពេលណាដែលអ្នកចង់ជឿទុកចិត្តលើព្រះជាម្ចាស់ ដើម្បីឲ្យទ្រង់ដោះស្រាយបញ្ហាសម្រាប់អ្នក។

Leoni Schmidt - ICF Reutlingen