#JESUS2019 - ពេលវេលាប្រចាំថ្ងៃជាមួយព្រះគំរូ

ដើរតាមព្រះយេស៊ូមិនមែនមានន័យថាជីវិត នឹងតែងតែចែងចាំងដូចព្រះអាទិត្យនិងឥន្ធនូទេ។ វាមិនមែនមានន័យថាយើងនឹងមិនជួបបញ្ហាដោយសារយើងដើរតាមព្រះយេស៊ូ។ ប៉ុន្តែទ្រង់អាចផ្លាស់ប្តូររបៀបដែលយើងដោះស្រាយជាមួយបញ្ហាទាំងអស់នោះបាន។

យើងដឹងថាយើងគួរចាត់ទុកបញ្ហា ជាឱកាសដើម្បីឃើញពីសិរីរុងរឿងរបស់ព្រះ។  ពេលខ្លះយើងបានកំណត់អត្ថន័យនៃការរងទុក្ខទៅជាភាពងាយស្រួល។  តើវាពិតជាងាយស្រួលមែនទេ នៅពេលដែលយើងមានតែគំនិតអវិជ្ជមាននៅពេលជួបកាលៈទេសៈណាមួយបែបនោះ?

ហេតុអ្វីបានជាការនេះកើតឡើងចំពោះខ្ញុំ? ព្រះជាម្ចាស់គួរតែការពារខ្ញុំចេញពីការទាំងនេះដែរទេ? ហេតុអ្វីបានជាអ្នកផ្សេងមើលទៅមិនអី ហេតុអ្វីមានបញ្ហាតែខ្ញុំ? ខ្ញុំបានផ្តល់អ្វីជាច្រើនទៅកាន់ព្រះជាម្ចាស់ ចុះហេតុអ្វីបានជាព្រះអោយខ្ញុំរងទុក្ខម៉្លេះ? 

ខ្ញុំក៏មានគំនិតចឹងដែរ ប៉ុន្មានឆ្នាំមុន,ភ្លាមនោះខ្ញុំចាប់ផ្តើមធ្លាក់ខ្លួនឈឺ។ ភាពសង្ស័យនិងភាពអស់សង្ឃឹមចាប់ផ្តើមកើតមាន។  ព្រះយេស៊ូបានជួបជាមួយខ្ញុំ ជាពិសេសពេលថ្វាយបង្គំ។ វាកាន់តែច្បាស់ឡើងៗ សម្រាប់ខ្ញុំ ថាខ្ញុំអាចទុកចិត្តលើព្រះជាម្ចាស់ហើយថាទ្រង់មានគម្រោងការដ៏ល្អ ទោះបីជាពេលនោះខ្ញុំមិនបានចាប់អារម្មណ៍ក៏ដោយ។ ព្រះយេស៊ូមិនបានសន្យាថា អ្វីគ្រប់យ៉ាងក្នុងជីវិតយើងនឹងតែងតែល្អនោះទេ ប៉ុន្តែទ្រង់សន្យាថានឹងនៅជាមួយយើងនឹងដើរជាមួយយើងក្នុងអំឡុងពេលរងទុក្ខ។

ព្រះយេស៊ូបានឆ្លើយដោយអារម្មណ៍ស្ងប់ ចំពោះដំណឹងរបស់ឡាសារ ព្រោះថាទ្រង់ទតឃើញលើសពីសេចក្តីស្លាប់របស់ឡាសារទៅទៀត។ ទ្រង់ដឹងថាបំណងចិត្តរបស់ព្រះតែងតែល្អ។  

ការអនុវត្ត:

តើអ្នកធ្លាប់មានបទពិសោធន៍ទទួលរងទុក្ខធ្ងន់ធ្ងរដែរទេ ឬក៏ អ្នកកំពុងស្ថិតនៅក្នុងកណ្តាលនៃការរងទុក្ខទាំងនោះ? 

សូមអធិស្ធានដោយភាពជឿជាក់ទៅកាន់ព្រះជាម្ចាស់ "សូមឲ្យបំណងទ្រង់បានសម្រេច" និងជឿទុកចិត្តថាទ្រង់នឹងឲ្យអ្នកនូវគំនិតថ្មីទៅលើការយល់ដឹង លើសភាពរងទុក្ខរបស់អ្នក។

Bianca Schmidt - ICF Reutlingen