ពីថ្ងៃនេះឆ្ពោះទៅមុខ - ដោយលោកគ្រូ ក្ហ្រេក-Craig និង អេមី ក្រូឆ៊ែល-Amy Groeschelគំរូ

ពីថ្ងៃនេះឆ្ពោះទៅមុខ

ទោះបីជាអ្នករៀបការហើយ ឬក៏មិនទាន់នៅឡើយក៏ដោយ តើអ្នកដែលធ្លាប់គេងមមៃឃើញពីថ្ងៃរៀបអាពាហ៍ពិពាហ៍របស់អ្នក ថានឹងមានលក្ខណៈយ៉ាងដូចម្ដេចអត់? តើអ្នកមានដែលគិតថា ដៃគូរជីវិតរបស់អ្នក ជាប្រភេទមនុស្សបែបណា ដែរឬទេ? ចំពោះទំនាក់ទំនាក់វិញ តើអ្នកដែលគិតថាអ្នកនឹងមានសភាពយ៉ាងដូចម្ដេចជាមួយនឹងគ្នា? ចុះចំណែកកូនៗ ហើយនិងទីកន្លែងរស់នៅរបស់អ្នកនោះ? ឥឡូវ ចូរឲ្យអ្នកគិតអំពីជីវិតដែលអ្នកកំពុងរស់នៅ សព្វថ្ងៃនេះ។ នៅពេលដែលជីវិតពិតរបស់យើង វាមិនបានដូចជាអ្វីដែលយើងបានប៉ងស្រមៃគិត តើយើងអាចធ្វើអ្វី ដើម្បីឲ្យស្ថានភាពដែលអ្នកគិតថាមិនល្អ បានប្រសើរឡើងវិញ?

នៅក្នុងវេលាអាពាហ៍ពិពាហ៍ គេតែងមានពាក្យពេចន៏សន្យានឹងគ្នា ដូចជាឃ្លាថា៖ "មិនថាគ្រាល្អ ឬ គ្រាអាក្រក់" "មិនថាជាមាន ឬ ក្រ" "ទោះក្នុងពេលឈឺ ឬ ជា" យើងនឹងថែ ស្រឡាញ់គ្នារហូត។ នៅក្នុងទំនាក់ទំនងរវាងស្វាមីភរិយា យើងតែងតែឃើញមាននូវឃ្លាទាំងនោះ។ មិនថានៅក្នុងស្ថានភាពណា ក្នុងជម្រើសណា មានភាពខ្វះខាតខុសចន្លោះណា ឬ មានអ្វីៗដែលនឹកស្មានមិនដល់ណាក៏ដោយ នៅចំពោះមុខ ដែលយើងត្រូវឆ្លងកាត់ ទោះស្ថានភាពនោះខុសពីអនាគតដែលយើងបានស្រមើស្រមៃក៏ដោយ ក៏យើងអាចមើលរំលង ជាប្រយោជន៏ឲ្យយើងអាចឆ្លងរួច ទៅកាន់ភាពល្អប្រសើរវិញ។ យើងអាចជ្រើសរើសប្ដេជ្ញាចិត្ដ ធ្វើឲ្យអនាគតរបស់យើងកាន់តែល្អប្រសើរឡើង ដោយចាប់ផ្ដើមពីថ្ងៃនេះឆ្ពោះទៅមុខ។

ប្រសិនបើវាងាយស្រួលក្នុងការដែលយើងអាចមានចំណងអាពាហ៍ពិពាហ៍តាមការគិតស្រមៃរបស់យើង នោះយើងប្រាកដជាទទួលបាននូវចំណងអាពាហ៍ពិពាហ៍នោះ រួចជាស្រេចបាត់ទៅហើយ មែនឬអត់? ប្រសិនបើអ្នកនៅខ្វះខាតកម្លាំង អ្នកត្រូវតែរៀនពឹងផ្អែកលើអំណាចចេស្ដារបស់ព្រះគ្រីស្ទ ដែលជាកម្លាំងដ៏ល្មមលើសពីគ្រប់គ្រាន់សម្រាប់រូបអ្នក។ ហើយទោះបី ជាអ្នកកំពុងតែមានអារម្មណ៍ថាអស់សេចក្ដីស្រឡាញ់ដែរ អ្នកអាចពឹងផ្អែកទៅលើសេចក្ដីស្រឡាញ់របស់ព្រះ ដែលមិនចេះរីងស្ងួត វិញ។

ចូរឲ្យយើងរួមចិត្ដអធិស្ឋានជាមួយគ្នា៖ព្រះអម្ចាស់អើយ! សូមអរព្រះគុណព្រះអង្គ ដែលជារៀងរាល់ថ្ងៃ យើងទទួលបាននូវអំណោយទានពីព្រះអង្គនូវឱកាសថ្មី ក្នុងការចាប់ផ្ដើមធ្វើអ្វីៗសាជាថ្មី។ សូមជួយឲ្យយើងបានចេះអត់ទោស ហើយបំភ្លេចចោលរាល់អ្វីពីអតីតកាល។ សូមព្រះអង្គ ជួយដល់យើង ឲ្យយើងមើលឃើញនូវព្រះចេស្ដារបស់ទ្រង់ ក្នុងគ្រាដែលយើងកំពុងទន់ខ្សោយនៅថ្ងៃនេះ ហើយនៅថ្ងៃស្អែក និង ថ្ងៃបន្តបន្ទាប់ខាងមុខទៀត។ យើងខ្ញុំ សូមអធិស្ឋានក្នុងព្រះនាមព្រះយេស៊ូ។ អាមែន។