Mundu eftir öllu sem Guð hefur gertSýnishorn

Ef þú hefur tekið á móti Kristi sem þínum persónulega frelsara þá ert þú ný sköpun. ,,Hið liðna varð að engu, nýtt er orðið til!" Á síðustu viku þá hefur þú verið að horfa til baka yfir líf þitt til þess að muna eftir krafti Guðs, trúfesti hans, muna eftir þeim einstaklingum sem Guð hefur notað til þess að móta þig sem persónu og fórnina sem hann færði fyrir okkur öll. Notaðu tækifærið í dag til þess að íhuga orðin sem við lesum í síðara Korintubréfi 5:11-21 um endurlausnarkraft Guðs og fyrirgefningu. Það er ekkert kröftugra, ekkert sem sýnir meiri trúfesti, eða lýsir betur þeirri fórn sem Guð færði okkar vegna og sem breytir lífi okkar meira en fyrirgefningin sem Guð hefur gefið okkur öllum í gegnum son sinn Jesú Krist. Taktu þér smá stund í dag til þess að minnast þess hvernig líf þitt breyttist þegar þú upplifðir fyrirgefningu Guðs í fyrsta sinn. Gleymdu algerlega gamla lífinu þínu og reyndu í staðinn að muna þann dag þegar líf þitt breyttist um alla eilífð. Lofaðu Guð og þakkaðu honum fyrir nýja lífið sem þú átt í Kristi.