Ապրի՛ր իմաստալից կյանքՕրինակ

«Աստծո հանդեպ մեր սիրո աճը»

Աստծո հանդեպ սիրո ձևավորումը միգուցե մի փոքր ավելի դժվար է, քան ընկերոջ կամ ընտանիքի անդամի հանդեպ։ Մեկ առաջնային պատճառ է այն, որ մենք ֆիզիկապես չենք կարող տեսնել Աստծուն։ Ուստի, Աստծո հանդեպ սիրո մեջմնալը և աճելը հավատ է պահանջում։

«Հավատը հուսացված բաների հաստատումն ու աներևույթ բաների ապացույցն է»։

ԵԲՐԱՅԵՑԻՆԵՐԻՆ 11:1

Հավատը մեզ թույլատրում է մեր սրտից անկեղծ սեր ուղղել Աստծուն, նույնիսկ եթե չենք կարող տեսնել Նրան մեր ֆիզիկական աչքերով։ Որպեսզի մեր սերն աճի Աստծո հանդեպ, հավատը պետք է գործի մեր Քրիստոնեական կյանքում։

Երբ կարդում ենք Աստծո Խոսքը, քննում Իր սերն ու մեր և ուրիշների կյանքերում Իր ներգրավվածությունը, նաև ընկերակցում Իր հետ աղոթքով, մենք սկսում ենք Աստծուն ավելի ու ավելի ճանաչել։ Ժամանակի հետ մեկտեղ Իրեն ավելի շատ ճանաչելը մեր կյանքում սերմանում է իրական, հասուն սեր Իր հանդեպ։

Աստծո հանդեպ սիրո աճը, որը բխում է Իր հանդեպ եղած մեր հավատից, կապված է գործերով այդ սերը ցուցադրելու հետ։

«Այդպես էլ հավատը. եթե գործեր չունենա, ինքնին մեռած է»։

ՀԱԿՈԲՈՍ 2:17

Հավատի միջոցով եղած մեր սերն առ Աստված, որն ուղեկցվում է գործերի միջոցով Աստծուն նվիրվածությամբ, ուժգին փոխհարաբերություն է, որն անհրաժեշտ է Իր հետ հաջողակ, աճող հարաբերության համար։

Որքան էլ մեր սերն առ Աստված անկասկած աճում է՝ որպես հետևանք գործնական մեր հավատի, այնուամենայնիվ, կարևոր է նաև հասկանալ, որ այս գործերը չեն վաստակում Աստծո սերը և բարեհաճությունը մեր հանդեպ։

Ճշմարտությունն այն է, որ նախքան Իրեն ճանաչելն Աստված արդեն սիրել է մեզ մտերմիկ և անշահախնդիր սիրով։ Աստծո սերը մեր իրական աղբյուրն է՝ Իր և մյուսների հանդեպ մեր սիրո համար։

«Մենք սիրում ենք նրան, որովհետև նախ նա սիրեց մեզ»։

Ա ՀՈՎՀԱՆՆԵՍ 4:19