Ապրի՛ր իմաստալից կյանքՕրինակ

«Հաջողակ հարաբերությունների հասնելու բանալիներ»

Ամեն հարաբերություն, լինի ընկերոջ հետ, ընտանիքի, ամուսնական զույգի կամ նույնիսկ Աստծո հետ, ունի երկու հիմնական բաղադրիչներ, որոնք այն դարձնում են հաջողակ․ անհատների միջև բաշխվող սերն ու մտերմությունը և այդ սերը գործնականում կիրառելը։

Ճշմարտությունն այն է, որ իրական սերը միշտ ուղեկցվում է գործողություններով, իրական ընկերը, տեսնելով մյուսին կարիքի մեջ, օգնության ձեռք կմեկնի։ Նույնը ճշմարիտ է Աստծո հետ մեր հարաբերություններում։ Աստծո հանդեպ իրական սերը ուղեկցվում է գործողությամբ՝ դիպչել Աստծո սրտին՝ դիպչելով մեր շուրջը գտնվողների կյանքերին։

Ուրիշների հետ մեր հարաբերություններից առավելագույնս օգուտ ստանալը սկսվում է մեր և Աստծո հարաբերություններից։ Իրականում, Աստված պահանջում է, որ մեր հարաբերություններն ուրիշների հետ լինեն Իր հետ եղած հարաբերությունների շարունակությունը։ Մտածե՛ք Աստվածաշնչյան երկու մեծ պատվիրանների մասին, ինչպես Հիսուսն էր արտահայտում․

«Եվ սիրի՛ր քո Տեր Աստծուն քո ամբողջ սրտով, ամբողջ հոգով, ամբողջ մտքով ու ամբողջ զորությամբ" (Բ Օր. 6.4-5)։ Սա է առաջին պատվիրանը։ Իսկ երկրորդը սրան նման է՝ «Սիրի՛ր քո ընկերոջը քո անձի պես» (Ղևտ. 19.18)։ Սրանցից ավելի մեծ պատվիրան չկա»։

ՄԱՐԿՈՍ 12:30-31

Որպես հավատացյալներ, մեր ուղղահայաց հարաբերություններն Աստծո հետ և հորիզոնական հարաբերությունները մեկը մյուսի հետ Աստծո համար ամենակարևորն են՝ սիրել Իրեն և մյուսներին։