Հաստատակամություն անորոշության ժամանակ։Օրինակ

Թվային դարաշրջանում տեղեկատվությունը մեզ տրամադրվում է ավելի արագ, քան երբևէ։

Դուք կարող եք "գուգլել" ինչ կամենաք և շաբաթներով կարդալ տվյալ թեմայի մասին: Մկնիկի սեղմումով կամ ձեր մատի մեկ հպումով կարող եք իմանալ ամենը ցանկացած բանի մասին: Թեև դա պետք է լինի մեր ժամանակների դրական կողմը, սակայն միշտ չէ, որ այդպես է։ Առատ տեղեկատվության հետ մեկտեղ գալիս է առատ ապատեղեկատվություն։ Լուրեր, որ այնքան սենսացիոն են դարձել, որ այլևս հնարավոր չէ տարբերակել, թե որն է ճշմարիտ, որը՝ ոչ։

Փաստի և կարծիքի միջև սահմանն աղավաղվել է լրագրողների և լրատվամիջոցների կողմից, ովքեր չեն փնտրում ճշմարտությունն այնպես, ինչպես ես և դուք։

Նրանք վարկանիշի են ձգտում։

Երբ մարդիկ վախեցած են, լուրեր են միացնում։Նրանք կամ ուզում են մխիթարվել կամ էլ տեղեկացվել այն բանի մասին, ինչից վախենում են։Այնուամենայնիվ, շատ հաճախ մենք մարդու խոսքն ընդունում ենք որպես փաստ։ Մենք կարդում ենք, լսում և ենթադրում, որ այն ամենը, ինչ որ գրվել կամ ասվել է, իրականություն է՝ երբեք չմտածելով, որ տվյալ աղբյուրները ևս կարող են ապատեղեկացված լինել։

Միակ ճշմարտությունը, որը մենք գիտենք, այն է, որ Հիսուս Քրիստոսը մահացավ մեր մեղքերի համար։ Միակ փաստերով ստուգված և սկզբնաղբյուրներով հաստատված ճշմարտությունը, որը մենք գիտենք, այն է, որ Աստված մեզ հետ է սկզբից մինչև վերջ։ Նա է հեղինակն ու խմբագիրը, և Նրա Խոսքը վերջնական է։Սենսացիոն ոչինչ չկա, և չկա որևէ ճշմարտություն, որն Աստված դեռևս չի բացահայտել։

Ես ձեզ չեմ ասում, որ դադարեք կարդալ նորություններ կամ դադարեք վստահել ձեզ շրաջապատողներին։ Ես ձեզ ասում եմ՝ անկախ այն բանից, թե ինչ է գրվել կամ թե ինչ տեղեկություն է տարածվել, Աստված արդեն գիտի։Ձեզ հետ կապված Աստծո ծրագրերը չի փոփոխվում անկախ մարդկանց գործողություններից։Աստծո ծրագրերն անփոփոխ են և կապված չեն մեր շուրջը կատարվող իրադարձությունների հետ։

Անորոշության պահերին Աստված աներկբա է։ Մինչդեռ մեր ծրագրերը կարող են ձախողվել կամ փոփոխվել, մեզ համար նախասահմանված Աստծո ծրագիրը կիրականացվի։