Llawenydd ar gyfer y Daith: Dod o Hyd i Obaith yng Nghanol y TreialSampl

Yn 2015, roeddwn wedi torri’n llwyr ac yn ofnus ynghylch sut fyddai’r dyfodol i’m teulu. Doeddwn i ddim yn gwybod dim am ddibyniaeth neu os oedd fy ngŵr yn alcoholig mewn gwirionedd. Y cyfan o’n i'n ei wybod oedd fy mod i'n ddigalon, ac o’n i wir yn credu fy mod i'n sownd yn byw'r diflastod hwn ddydd a dydd am weddill fy oes.

Mae Duw wedi mynd â fi ar daith i lawenydd trwy drystio ynddo e a chaniatáu iddo fod yn arweinydd i mi. Heddiw, dw i'n hapus, yn obeithiol, yn gryf ac yn llawen.

Efallai bod rhai ohonoch chi'n pendroni, Sut galla' i gael llawenydd pan fydd fy ngŵr yn yfed drwy'r dydd? Sut gallaf gael llawenydd pan fydd fy merch yn y carchar? Sut gallaf gael llawenydd pan fydd fy mab yn ddigartref ar y strydoedd?

Efallai bod y daith hon rwyt ti arni yn teimlo fel taith ffordd wedi mynd o chwith, a nawr rwyt ti'n pendroni, Ble mae Duw? Pam ydw i ar y daith hon? Sut alla i gael unrhyw lawenydd ar hyn o bryd? Dw i wedi blino ar guddio ac yn smalio bod popeth yn iawn.

Dysgais dros y blynyddoedd fod Duw yma ar y daith hon - yn cerdded ochr yn ochr â ni - a gallwn ddod o hyd i lawenydd wrth osod ein GOBAITH yn Iesu a chael ffydd ynddo.

Fy enw i yw Amy LaRue. Dros y dyddiau nesaf, dw i'n mynd i rannu ychydig o fy stori a sut wnes i ddod o hyd i'r gobaith cryf sydd gen i yn Iesu. Dw i'n gobeithio y bydd I di'n dod o hyd i obaith yn fy stori ac yn darganfod y gelli dithau hefyd gael llawenydd yn y daith.